XaPXyH

Ухаалаг гар утсанд зориулсан Програм, агуулга хөгжүүлэгчдийг бэлтгэх сургалт

2012-02-08T12:31:00.000+08:00

Ерөнхийлөгч шинэ оны мэндчилгээ дэвшүүлэв 2011-2012

2012-01-02T08:45:00.000+08:00

Монгол Улсын Ерөнхийлөгч Ц.Элбэгдорж шинэ оны босгон дээр нийт монголчууддаа баярын мэндчилгээ хүргэлээ. Ерөнхийлөгчийн он солигдох мөчид ард түмэндээ хандаж хэлсэн үгийг бүрэн эхээр нь хүргэж байна.

Эрхэм хүндэт ард иргэд ээ,
Он солигдох энэ гэгээн мөчийн баярын мэндийг Та бүхэнд хүргэе.

Алслан одож байгаа 2011 он үйл явдлаар баялаг, өөрийн гэх тод мөртэй, ухаарал сургамж хайрласан түүхэн жил байлаа. Монголын тулгар төрийн 2220 жилийн ой, Их Монгол гүрний 805 жилийн ой, Эрх чөлөө, тусгаар тогтнолоо сэргээсний 100 жилийн ой болон Ардын хувьсгалын 90 жил, Монгол улс, НҮБ-д элсэн орсны 50 жилийн гээд бусад олон түүхт үйл явдлын ой тохиолоо. Энэ бүхэн Монголын түүхэн бахархалыг улам нэмж, манай ард түмэн ч их ойнуудаа амжилт бүтээл дүүрэн өнгөрүүлж байна.

2011 онд Монголын сайн нэр дэлхий даяар улам бүр түгэн дэлгэрлээ. Монголчуудын авъяас билэг, дуу хоолой, хүч чадал олон газар хүрч бусдын хүндэтгэл бахархалыг хүлээсэн, монголын тухай ном, монголын тухай мэдээ шилдэг сонирхолтойд орж дэлхийн сонорыг мялаасан жил байлаа.

Монгол улсын иргэнлэг, нээлттэй бодлогын үр дүн гарч, улмаар Ардчилсан орнуудын хамтын нийгэмлэгийг энэ оноос тэргүүлж, өөрийн ололт туршлагаас бусад оронтой хуваалцан, ардчиллын үнэт зүйлсийг хөгжүүлэн бэхжүүлэхэд хувь нэмрээ оруулж эхэллээ. Манай иргэд дэлхийн олон газар нэр төртэй ажиллаж байна.

Улирч буй он бол ард олон маань, хүн бүр дор бүрнээ өөр өөрийн хичээл зүтгэлээр эх соёл, язгуур түүхээ дээдлэн дэвжээж, олон шинэ бүтээл нээлт хийсэн олз омог дүүрэн жил боллоо. Мөн олон шинэ бүтээн байгуулалтууд хийгдсэн, илүү олон бүтээн байгуулалтын шав эхлэл шинээр тавигдсан жил байлаа.

Өнгөрсөн жил, он солигдох мөчид ард түмэндээ хандсан “Архигүй Монголын төлөө хамтдаа” миний уриалгыг олон иргэд, айл өрх, хамт олон, байгууллагууд дэмжсэнд талархаж байна. Мөн базаахгүй зуршлаа орхиж чадсан, хань ижил, үр хүүхэд, хамт олноо баярлуулсан иргэддээ баяр хүргэе. Архийг ааваасаа, амьдралаасаа гаргах холдуулах гэж бяцхан хүүхдүүд, нийт иргэд маань хичээж, санаачилж амжилт олж байгаад би баяртай байна. Монголын замд тохиосон бараан бүхэн алсран холдож, гэгээн үйлс улам дэлгэрэх болтугай.

Ирэх жил түүхэн хариуцлагатай жил болно. Он солигдохоос өмнө Улсын Их Хурлыг сонгох сонгуулийн хуулийг шинэчлэн баталлаа. Монгол улсын иргэний сонгох сонгогдох эрх хуулийн дагуу хариуцлагатай бүтээлч хэрэгжих ёстой. 2012 он Монголын нэрийг улам сайнаар гаргасан шинэ шинэ амжилт бүтээлээр дүүрэн жил болох учиртай.

Би үндэсний эрх чөлөө, тусгаар тогтнолоо сэргээсний 100 жилийн ойн УИХ-ын хүндэтгэлийн чуулганы хуралдаанд үг хэлж ойрын үед улс оронд шийдвэрлэх шаардлагатай нэн чухал асуудлаар байр сууриа тодорхой илэрхийлсэн. Одоо эдгээрийг бодит ажил хэрэг болгож, төрөөс өгч байгаа чиглэл, цаг үеийн шаардлага гэж үзэж бүх шатандаа төрийн байгууллага, иргэд, нам хүчнийхэн хөтөлбөр зорилт бодлого үйл ажиллагаандаа тусгаж хэрэгжүүлэх хэрэгтэй.

Эрхэм хүндэт ард иргэд ээ,

Он солигдох мөч улам ойртлоо. Эх орныхоо дөрвөн зүг найман зовхисоос эхлээд Алтай таван богдоос Дорнын тал, Хөвсгөлийн хөвч тайгаас Өмнийн говийн их бүтээн байгуулалт хүртэл ирж байгаа оноо угтан авахаар баяр хөөр дүүрэн байгаа нийт иргэддээ шинэ жилийн баярын мэнд хүргэе. Мөн дэлхий даяар тархан суурьшсан элэг нэгт Монгол түмэндээ шинэ оны халуун мэндчилгээг өргөн дэвшүүлж байна.

Манай улсад өөр өөрийн орныг төлөөлөн суугаа нийт Элчин сайдууд, дипломатууд, Олон улсын байгууллагын төлөөлөгчид, хамт олонд шинэ оны баярын мэнд хүргэе.

2012 он дэлхийн зон, Монгол түмэнд аз жаргал бэлэглэсэн хамгийн сайхан жил байгаасай гэж би хүсч байна. Дэлхийн хүн бүр, хүүхэд бүр инээд хөөртэй, монголын хүүхэд залуус өнгөтэй, эрчүүд нь жавхаатай, бүсгүйчүүд нь үзэсгэлэнтэй, өргөө хотлоороо өнгө дүүрэн, элэг бүтэн, ахмад азай буурлууд маань урт настай, удаан жаргалтай Монгол түмний хараа тэнэгэр, хийморь өөдөө байх болтугай.
Сүү шиг сэтгэлтэй ард түмний маань сүүн цагаан түүх өнөд үргэлжлэхийн ерөөл дэвшүүлье. Идээ идээний дээж сүүгээ өргөн барьж нийт ард иргэддээ эрүүл энх, аз жаргал, сайн сайхны дээдийг хүсэн ерөөе.

Шинэ оны халуун мэндийг өөд өөд нь өргөн дэвшүүлье.

2011-2012-он солигдох мөч

2012 оны зурхай

2011-12-26T09:08:00.000+08:00

Мөрөөдөл биелэх 2012 он айсуй

Ирж буй онд алс тэртээх гаригсын хүчин зүйл ямар байхыг харцгаая. Санчир Дэлхийн ван хоёр гурвалжин үүсгэх учраас энэ сайн эерэг хүчин зүйл нь жилийн турш олон хүнд мөрөөдлөө биелүүлэх боломж олгоно. Хүн өөрийн хүсэл мөрөөдөлдөө тууштай байх аваас тэр нь заавал биелнэ. Ёс суртахуун, оюуны санааны хувьд хяналт ихтэй байгаа нь нийгмээс тусгаарлагдах магадлалтай. Санаа онол, мөрөөдөл үзэл суртал ирэх жилийн турш илүү хариуцлагатай, тууштай байхыг шаардах болно.

Далайн ван гаригийн Дэлхийн вангийн дараах Плутонитай үүсгэх квадратура ирэх жилийн бас нэг чухал хүчин зүйл болно. Энэ нь дэлхийд хувьсгалт өөрчлөлт, мэдрэмжийг авчрах юм. Тэр нь эргээд хувь хүмүүст нөлөөтэй. Энэ хүчин зүйл өнгөрч буй онд эхлэн өөрчлөлтийн эхлэлийг тавьсан гэж болох талтай. Эдийн засагт гэнэтийн байж болох ээдрээ гарч магадгүй. Дэлхий ертөнц олон туйлт бодлогод эрмэлзэх ажээ. Ирэх жилд үг хэлэх эрх чөлөөнд ихээхэн шахалт ирэх бөгөөд үүнийхээ хэмжээгээр эсэргүүцэл гаргах болно. Жилийн турш хэт туйлшрахаас болгоомжлох ёстой болж байна. Хэт их эрх чөлөө, хэтэрхий их засаглал адилхан аюултай байж болох талтай. Цөмийн газар доорхи дэлбэрэлт болон ослын магадлал таваас арваннэгдүгээр сард өндөр байх ажээ.

Энэ бүх үйл явдалд маш чухал эерэг эгшин байж магадгүй. Тэнгэрийн ван гариг өөрийн захирдаг Загасны ордод ирэх жил нэг мөсөн байрлах юм. Тэр нь хүмүүсийн юун ухаанд онцгой нөлөөлөх учраас шашны лидерүүд энэ хугацаанд хүмүүсийг тайвшруулах, эв нэгдэлтэй амьдрахыг уриалах хэрэгтэй болж байна. Энэ гаригийн өрөвч сэтгэл, хүн туслах шинж чанарыг хүмүүс барьж байх нь чухал. Гэхдээ Тэнгэрийн ван дандаа эерэг зүйл авчрахгүй. Энэ үеэр залилан, мэхлэлт ихсэх хандлагатай. Ер нь бол шашны илүү их холилдоон ойрын жилүүдэд гарна. Сүсэгтэн олон гол гэх шашнаа л барих нь чухал бөгөөд шинээр гарах элдэв урсгалд татагдах нь онц биш.

Санчир гариг энэ үеэр Жинлүүрийн ордоор дамжин зөвхөн аравдугаар сард Хилэнцийн ордод орж ирнэ. Энэ нь хууль журамд эрмэлзэх хүмүүсийн тэмүүллийг үүсгэх юм. Хууль бүгдэд тэгш үйлчилдэг байх ёстой. Санчир Хилэнцийн ордод очих цагаар чөлөөт цагийг ашиглах боломж илүүтэй нээгдэнэ.

Шинэ оны эхний хагаст Бархасбадь Үхрийн ордоор дайрах учраас баяжих, тансаглах, бүхий л таашаалыг эдлэх хүслийг үүсгэнэ. Оны сүүлийн хагаст Бархасбадь Ихрийн ордод орно. Энэ нь алсын аялал жуучлалын сонирхлыг үүсгэх юм байна. Бархасбадь Ихрийн ордод сулхан байрлалтай байх учраас мэдээлэл арвин ч үр дүнтэй нь ховор байна.

Олон гаригс эсрэг ордуудад байсан өнгөрсөн хоёр жилтэй харьцуулахад 2012 он нэлээд засагдсан байх юм. Олон хүнд нөхцөл байдалтайгаа тэмцэлдэхээс илүү зохицохыг эрмэлзвэл тустай байх болно. Хэрэв хүн оюун ухааны хөгжил дэвшлээ анхаарч байх аваас ирж буй оныг амжилттай, ашигтай гэж үзэж болох нигууртай. Ер нь бол хүн өөрийгөө ямар нэгэн зүйлийн хэсэг гэж үзэх аваас ирж буй он ээлтэй сайн байна хэмээн зурхайчид өгүүлж байна. Ингээд ирэх жилийн ордуудын зурхайдаа орьё.

ХОНИНЫ ОРД

Хүчин чармайлтаа гаргах амжилттай хоёр салбар танд байна. Жилийн эхний хагаст та санхүүгийн асуудалд азтай байх бөгөөд ашиг, орлого болон хөрөнгө мөнгөө нэмэгдүүлж чадна. Энэ цагаар та зөвхөн өөртөө найдах нь чухал. Мөн томоохон наймаа хийх боломжтой байна. Ангараг ба Бархасвадь нийлэн байрласан нь таны ажлын өндөр идэвхтэй болгоно. Тэр нь эргээд таны мөнгө, хуримтлалд тустай. Хуучин ажил чинь цалин хөлс муутай байсан бол илүү хөлстэй ажлыг энэ цагаар хайж болох юм. Гэхдээ хоёр ба тавдугаар сард нэг их амжилттай байж чадахгүй.

Жилийн сүүлийн хагаст нь хүмүүсийн харьцаа ба аян замаас таны амжилт ирнэ. Богино хугацааны аялал, хамтын ажиллагаа танд ашигтай бөгөөд энэ хагас жил танд таатай өнгөрнө. Хувийн болон ажил хэргийн харилцааны тогтвортой байдал Ихэнх хонины ордынхонд үйлчилнэ. Харин таны амьдралын зорилгод эрс өөрчлөлт гарч ирэхийг үгүйсгэхгүй. Өөрчлөлтийг бодлоготойгоор хийх хэрэгтэй. Ажил амьдралдаа ухаангүй зүтгэх нь чухал биш харин дотоод сэтгэлээ сайн сонс. Та хэт яаран бүхнийг авна гэвэл саад тотгортой тулгарна. Нэн ялангуяа зун, намар танд хүндрэлтэй. Жилийн турш та ажил амралтынхаа уялдааг сайн зохицуул. Оюуны хөгжилд таатай он энэ болой.

ҮХРИЙН ОРД

2012 оны эхний хагас жил Үхрийн ордныхонд хамгийн амжилтай үе байна. Хэрэв та ордныхоо эхэн хавьд төрсөн бол амжилт хурдан ирнэ. “Хэт хожуу” Үхрийнхэн түгшээд хэрэггүй таны амжилт энэ хагас жилдээ л амжин ирнэ. Олон ажил амар бүтэж, ямар ч хэрэг хурдан шийдэгдэж буйг та харах болно. Нөхцөл, шалтгаан таны талд байх болно. Мөн энэ үеийг боловсролоо дээшлүүлэхэд ашиглах хэрэгтэй. Уран бүтээлийн амжилт танд ирэх болно. Таны хүүхдүүд энэ цагаар баяр баясгалангийн эх сурвалж чинь болох ёстой.

Сүүлийн хагас жилд таны амжилт санхүүд шилжих бөгөөд таны мөнгө мэдрэх төрөлхийн мэдрэмж чинь сайжрах амой. Энэ хугацаанд таны мөнгө хангалттай байх учир та том наймаа хийхэд илүүдэхгүй. Боломжийг алдаж болохгүй.

Ажил тогтвортой наад зах нь аравдугаар сар хүртэл өөрчлөгдөхгүй. Та тууштай байж, хамт олонтойгоо тэгш, шударга харьцсанаар нэр хүндээ ихэсгэнэ. Үзэл баримтлалд чинь өөрчлөлт гарч шашинд татагдах магадлал байна. Бусдын нөлөөнд автахгүй байх нь чухал. Тийм нөлөө гарч ирэхийг үгүйсгэхгүй. Бурхнаа өөрөөсөө хай. Лам багш хэрэгтэй санагдвал сүм дуганаар ороход л хангалттай. Зун намрын цагаар алс хол явах санаа төрнө. Ер нь цагаачлалын асуудал сонирхол татах боловч аялал жуулчлал л тустай байх болов уу. Энд ухаалаг шийдвэр хэрэгтэй. Ирж буй онд таны найз нөхөдтэйгээ харьцах харилцаа илүү итгэлтэй болно. Шинэ найз нөхөдтэй болох хүслээ тэр болгон биелүүлэх гээд хэрэггүй юм. Хайр сэтгэл өөдрөг байх ба энэ цагаар амьдралаа зохиогоогүй хүмүүс амжин гэр бүлтэй бол хэмээн зурхайд бичигджээ.

ИХРИЙН ОРД

Энэ ордныхон эхний хагас жилийг өөрийн дотоод ертөнцийн хөгжилд зориулбал зохино. Янз бүрийн таавар, таамгыг тайлахад танд амжилт ирэх ёстой. Олон ч хүн танд нууцаа итгэн нээж эхэлснийг та мэдэрнэ. Таны дотоод мэдрэмж энэ цагаар нэмэгдэн олон ажил хэрэгт тус дэм болох юм.

2012 оны хоёрдугаар хагас улам их амжилтыг таны хувьд агуулжээ. Бархасбадь Ихрийн ордод байрлах цагаар олон салбарт та амжилттай учирна. Танд шинэ ирээдүй харагдан сэтгэл санаа өөдрөг байх аж. Таны мэдлэг, мэргэжил, чадвар шаардлагатай, эрэлттэй болж буй нь бас өөрийгөө хөгжүүлэхэд улам нөлөөтэй. Романтик харилцаандаа таны байдал тууштай, тайван байна. Эндээс юу хүсээд буйгаа та сайн мэднэ. Та харилцааныхаа энэ төвшний хариуцлагыг үүрэхэд бэлэн байна. Үр удамтайгаа харьцаа сайн хэвээр байна. Харин найз нөхөдтэйгөө харилцаа хурцдаж магадгүй юм. Жинхэнэ найз хэн бэ гэдэг эндээс харагдана биз дээ. Та үйлдлээ хянаж байх нь чухал.

Жилийн турш танд олон янзын төлөвлөгөө, санаа төрнө. Та хамтын дуулиан, эрсдэлтэй ажилд оролцохоос зайлсхий. Ер нь бол дотоод мэдрэмжиндээ захирагдах нь зүйтэй ч бас хэт түүнд автахаас болгоомжил.

МЭЛХИЙН ОРД

Мэлхийн ордны ихэнхэд элдэв санаа оноо, төлөвлөгөө авчирсан он ирж байна. Оны эхний хагаст элдэв шинэлэг санааг хэрэгжүүлэхэд тохиромжтой. Энэ үеэр танд боломжууд нээгдсэнийг овжин ашиглах ёстой. Энэ хугацаанд нөлөө бүхий хүмүүстэй нөхөрсөг харилцаа бас чухал байх нь. Танилтай бол талын чинээ гэдэг зүйр үг л танд энэ үеийн гол удирдлага болно.

Оны хоёрдугаар хагаст танихгүй, мэдэхгүй бүхнийг сонирхох сонирхол чинь дээд зэрэг байх юм байна. Та бусдын үйлдлийн шалтгааны сайтар ойлгож, шийдвэрийг дотоод мэдрэмжээрээ гаргаж байх болно. Зөн совин чинь улам нэмэгдэнэ. Уран бүтээлийн онгод ирэхийг үгүйсгэх аргагүй. Мэдрэмж сайжрах учиртай. Үүний зэрэгцээ амралт бясалгалд цаг илүү зарцуулах нь зохимжтой.

Гэр оронтой холбоотой бүхий л асуудалд хандах таны хандлага нь тайван, уужуу, хариуцлагатай болох гэнэ. Харин таны зүтгэл тууштай байх хэрэгтэй. Харин карьерын хувьд тийм ч тайван байхгүй. Таны зорилго хандлага хувирна. Ажлын их ачаалал хувийн болон гэр бүлийн харилцаанд сөргөөр нөлөөлж магадгүй байна. Энэ хугацаанд карьертаа өөрчлөлт яаран хийх хэрэггүй гэнэ. Мөн бизнесийн түншүүддээ хэт найдлага тавих нь тус дэм багатай. Байгаагаа эвдлэх амархан л даа.

2012 онд та сүсэг бишрэлдээ сонирхол ихтэй байна. Таны санаа бодол ид шидийн тал руу хувирах магадлалтай.

АРСЛАНГИЙН ОРД

Арслангийн ордныхонд оны эхний хагас жил амжилттай байх болно. Та өөрийн зорилготоо хүрэх бөгөөд ажил үйлсдээ амжилттай байна. Та олноос тодорсон, олон зүйлийг амжуулах болно. Таны нэр хүнд өсөхөд нөхцөл байдал сайнаар нөлөөлнө. Хүчин чадлаа нэг чиглэлд чиглүүлэх эсвэл бага тооны чиглэлүүдэд анхаарвал амжилт ирнэ. Хэрэв бүхнийг нэгэн зэрэг олно гээд зүтгэвэл амжилт тааруу байх юм. Таны хувиа бодогч зан энд саад болох талтайг та анхаар.

2012 оны хоёрдугаар хагаст улам ихэсч байгаа найз нөхөд, санаа нэгтнүүдийн дэмжлэг Арслангийнханд ирэх ёстой. Шинэ ирээдүй, шинэ санаа бий болох бөгөөд түүнийг зөвхөн хамтын хүчээр шийдэх нь амжилтад хүргэнэ.

Ах, дүү, төрөл садантай харилцаа хэвийн, өөрчлөлт бараг гарахгүй. Өөрчлөлт нь зөвхөн таны үзэл бодолд л хамаатай байна. Танд шинэ мэдлэг, мэдрэмж төрнө. Харин аливааг эрс өөрчлөх гэж шуурхай дайрах бол амжилтыг бүдэгрүүлнэ. Ажилд өөрчлөлт гарч магадгүй юм. Хэрэв та өөрчлөлтийг шаардлагатай гэж үзэх аваас байдал таатайгаар эргэнэ. Дотны харилцаанд шинэ хүсэл, арга техник ирэх бөгөөд та түншийнхээ хүслийг цаг тухайд нь тааж байх шаардлагатай ажээ.

ОХИНЫ ОРД

Сурлагадаа анхаарч өөрийгөө хөгжүүлэхэд оны эхний хагас жил хамгийн сайн цаг болох юм байна. Охины ордныхон энэ цагаар л мэдлэг, боловсролоо дээшлүүлэх боломжийг ашиглах хэрэгтэй. Хэрэв та сурдаг бол давхар дугуйлан, курсээс мэдлэг нэмж чадна. Ямар ч тохиолдолд суралцах нь танд тустай. Мөн энэ цагаар аялал, жуулчлал хийхэд бас илүүдэхгүй. Жилийн хоёрдугаар хагаст зорилгоо биелүүлэх таатай цаг ирж байгаагийн урьдатгал бэлтгэл нь энэ болно.

Зорилго хүслээ биелүүлэх жинхэнэ оргил үе бол таны хувьд оны хоёрдугаар хагас. Нөхцөл байдал танд эерэгээр үйлчлэх учир та эрч хүчээ сарниулахгүй байх нь чухал. Санхүүгийн талд та ирж буй онд алзахгүй. Ашигтайгаар тооцон зарлагдах шаардлага байх талтай. Энд байнгын тогтмол өсөлт гарна.

Хувийн амьдралд өөрчлөлт гарсан адал явдлын сонирхол үүснэ. Хэцүү, ээдрээтэй асуудлаас зайлсхийж, яаран шийдвэр гаргах нь муу. Дур сонирхол энэ цагаар дүрэлцэн асч, унтрах нь их байх бололтой. Романтик харьцаа цаашдаа явахгүйг анхаарвал зохино. Санаа сэтгэлийн зохицолд л амжилт агуулна. Гарагсын өгүүлж буйгаар таны мөрийтэй тоглоомын шохоорхол нэмэгдэх бөгөөд харин тэр нь сайныг үл дагуулна гэдгийг санаарай.

ЖИНЛҮҮРИЙН ОРД

2012 оны од гарагсын байрлал эхний хагас жилд нь танд хүний мөнгөтэй холбоотой хөрөнгө оруулалт, зээлийн асуудалд амжилт авчирна. Энэ дагуу таны амьдрал өргөжин тэлнэ. Та санхүүгийн арилжаанаас том унацтай байх нь. Хэрэв танд зээлийн мөнгө хэрэгтэй бол тэр нь амархан бүтнэ. Мөн энэ хугацаанд таны дотно харилцаа амжилттай байна. Хайрын фронтод та олон ялалт байгуулна. Энэ хоёр чиглэлээр та амжилт олох боловч зөвхөн нэгийг нь сонговол зохино.

Жилийн хоёрдугаар хэсэгт суралцах мөн өөрийн мэдлэгийн хүрээг тэлэхэд чинь таныг амжилт хүлээж байна. Шинэ мэдлэг авах, шинжлэх ухааны судалгаа шинжилгээ хийх, гадныхантай харилцаагаа бэхжүүлэх зэрэгт энэ цаг хамгийн тохиромжтой. Ерөнхий мэдлэгээ өргөжүүлэх сонирхол танд нэмэгдэнэ.

Өөрийгөө бодитоор үнэлэн цэгнэх чанар таныг 2012 оны турш орхихгүй. Энэ үеэр та ихэнх ажил хэрэгтээ чадвараа харуулан ямагт хариуцлагатайгаар хандах болно. Үүнээс үүдэн таны барьж авсан ажил хэрэг машид бүтэмжтэй байх болой.

Харин хувийн амьдралд зарим нэг эвгүй байдал үүсч магадгүй. Гэр бүл дэх харилцаа өөрчлөгдөнө. Тэр нь нэн ялангуяа эцэг эхтэйгээ харилцах харилцаанд чинь гарах магадлал өндөр байна. Яарвал даарна гэдгийг санаж явахад илүүдэхгүй.

Энэ хугацаанд ажил албанд чинь таны зүтгэж буй зорилго чиглэл гол байх аж. Ажлынхантайгаа харьцах харилцаа чинь итгэлтэй бас ээдрээтэй байх гэнэ. Энд зарчим, дотоод мэдрэмж чухал.

ХИЛЭНЦИЙН ОРД

Танай ордныхонд 2012 оны эхний хагас жил хувийн амьдрал аз жаргалтай, амжилттай байна. Одоо танд хувийн харилцаа холбоогоо бэхжүүлэн идэвхтэй хөгжүүлэх цаг ирж буй. Шинэ танил, шинэ харьцаа тогтоох боломж өндөр байна. Гэхдээ та тооноос нь илүүтэйгээр хувийн харилцааныхаа чанарт анхаарах хэрэгтэй. Боломжуудаас хэрэгтэйг сонгох цаг. Энэ цагаар таны ажил хэргийн холбоо ч сайн байх болно. Шинэ гэрээ хэлцэл байгуулах, шинэ ирээдүйтэй төслийн эхлэл энэ үеэр тавигдана.

Хөрөнгө оруулалт ба хүний мөнгө эргүүлэх асуудал оны хоёрдугаар хагаст ч амжилттай байх бөгөөд та чөлөөт мөнгөөрөө хөрөнгө оруулалт хийхэд ашигтай байх гэнэ. Мөн таны ажил хэрэгч чанар улам тодорох магадлалтай. Бизнес хийхэд намрын эхэн сараас бусад үе тун тохиромжтой.

Таны дотоод сэтгэмж тогтвортой байж, өмнөх алдаа оноогоо дүгнэн ажиллах болно. Харин эрүүл мэндийн байдлаа анхааран өвчин зовлонг газар авахуулахгүй байх хэрэгтэй. Ужиг өвчин сэдрэх хандлага байна. Ажил хөдөлмөрт тогтвортой байдал төдийлөн гарахгүй. Танд өөрчлөлт хэрэгтэй гэсэн санаа төрж болох юм. Яаран гаргасан шийдвэр тийм сайнаар нөлөөлөхгүйг санах нь зүйтэй. Тууштай байхад ажил бүтэмжтэй. Үүнээс үүдэн санхүүгийн талд чинь тасалдал гарч магадгүй. Хэтэрхий эрсдэл сайн зүйлд хүргэхгүй.

Ирж буй онд та үр хүүхэдтэйгээ илүү нээлттэй, итгэл өндөр харилцааг тогтоож чадна. Танд романтик сэтгэлгээ давамгайлах учраас нэн ялангуяа ганц бие хүмүүст заяны ханиа олоход тус дэмтэй.

НУМЫН ОРД

Оны эхний хагас жил ихэнх нумынханд аз авчирна. Ажилд шинэ ирээдүй харагдана. Та ажил хөдөлмөрөө сайн, амжилттай гүйцэтгэхээс гадна ажлын хурд, эрч нэмэгдэнэ. Ажлын шинэ санаа төрөх бөгөөд байр сууриа сэлгэх бол энэ үе тохиромжтой. Ямар ч саналыг та анхааран авч үзвэл зохино. Шинэ салбарт шинэ мэдлэг, эргэжил эзэмших магадлал танд өндөр байна. Үүнээс үүдэн таны санхүүгийн байдал сайжрах хандлагатай болой. Хоёрдугаар сарын сүүлчээр энэ асуудал нааштай байх гэнэ.

Энэ хугацаанд таны хувийн амьдралд өөрчлөлт гарна. Шинэ танил, шинэ харьцаанд татагдахыг үгүйсгэх аргагүй. Нумынхан гол төлөв шинэ хүмүүстэй болзоо тогтоох бололтой. Харин тогтсон хувийн амьдралд романтик, шинэлэг зүйл үгүйлэгдэх нь тодорхой. Эхний хагас жилд тачаал янаглал, адал явдал таныг ээрэх болно. Энэ үеэр өмнө тогтсон харилцаа холбоогоо таслах гэвэл том алдаа болно гэдгийг зурхайчид өгүүлж байна.

Оны хоёрдугаар хагаст хайрын харилцаа шинэ төвшин, шинэ шаардлагатай болох юм. Нандин харилцаа үүсгэх боломж байгааг санаарай. Ганц бие нумынхан харилцааны чанарт илүүтэй анхаарах нь чухал. Ийм боломж мөддөө олдохгүй.

Хань ижилтэй нумынхан энэ цагаар хосуудын хоорондын харилцаагаа хөгжүүлэн бэхжүүлэх нь чухал. Амралт, зугаа цэнгээ та нарт хэрэгтэй ч зарлага ихтэй бодчиход бас илүүдэхгүй. Шинэ хүнтэй болох гэвэл сайн үе.

2012 оны хоёрдугаар хагас нумынханд ирээдүйтэй ажил хэргийн холбоо сүлбээг авчирна. Хөрөнгө оруулагч нар эсвэл ивээн тэтгэгчдийг тууштай хайвал амжилтад хүрнэ. Тэдний тусламжтайгаар л таны төслүүд хэрэгжиж эхлэх ажээ. Найз нөхөдтэй энэ үеэр харилцаа тууштай, тогтвортой байна. Та тэдэнд итгэж болно. Гэр бүлийн доторх уур амьсгал зөөлөрч, сэтгэл санаа өндөр байх гэнэ.

МАТРЫН ОРД

Өөрийгөө бүхий л талаас сайнаар харуулах үе бол 2012 оны эхний хагас. Нэн ялангуяа уран бүтээлч хүмүүс амжилттай байх гэнэ. Та сэтгэл дагасан, өөрт тааламжтай зүйлээ хийвэл амжилт дагуулна. Эхний хагас жилд таны амьдрал, таны харилцаанд романтик эрмэлзэл давамгайлах магадлалтай. Танд хүссэнээ хэрэгжүүлэх боломж их байх юм.

Хувийн амьдралд чинь аз гийх ёстой. Та бага ч гэсэн хичээл зүтгэл гаргавал аз таны хаалгыг тогших болно. Хэрэв та хүүхэдтэй бол тэдэнд илүү анхаарал тавих ёстой харин хүүхэдгүй бол энэ цагаар л үр удамтай болохыг хичээ.

Оны хоёрдугаар хагаст ажил хөдөлмөр чинь амжилт дагуулна. Таны ажлын ачаалал нэмэгдсэн ч та сэтгэл дүүрэн урамтайгаар ажиллана. Ажлын туршлага нэмэгдэнэ. Энэ бүгдийг дагаад шинэ ирээдүй харагдана. Хамт олонтойгоо сайн харьцаатай байж нэр хүнд чинь өсөх ёстой. Нааштай бүхнийг өсөлтдөө ашиглах нь чухал байх юм. Тууштай, шургуу байх нь чухал. 2012 онд таны ирээдүйн чиг хандлага бүрэн тодорхойлогдож дуусна.

2012 онд та өөрөө хувь хүнийхээ хувьд сайн тал руугаа өөрчлөгдөх болно. Энэ нь нэн ялангуяа арванхоёрдугаар сард төрсөн матрынханд илүүтэй харагдана. Та тэргүүн эгнээнд харагдан ард орохыг хүсэхгүй. Мөн энэ хугацаа бол танд муу зуршилтайгаа тэмцэн түүнээс салахад тустай. Амьдрах орчин өөрчлөгдөх магадлал өндөр. Шинэ газар шилжин суухдаа тэр талаар сайтар судлах шаардлагатайг анхаар. Харилцаанд зарим нэг өөрчлөлт гарахыг үгүйсгэхгүй. Дотоод мэдрэмж улам нэмэгдэх болно.

ХУМХЫН ОРД

Ирж буй оны эхний хагаст од гарагсын байрлал нь таны хувьд гэр орон, гэр бүлтэй холбоотой тааламжтай зүйл авчирна. Энэ цагаар танай гэр бүлийнхэн ойр дотны хүмүүстэйгээ улам сайн харилцаатай болно. Мөн орон гэрийнхээ нөхцлийг сайжруулах боломж гарч иржээ. Шинэ байранд орох эсвэл гэр орондоо засвар хийх боломжтойг гарагс өгүүлж буй.

Оны сүүлийн хагаст таны хобби, сонирхлын чиглэлээр эсвэл уран бүтээлд чинь аз ирнэ. Өөрийгөө харуулах сайхан боломж энэ болой. Үр хүүхдүүдтэй харилцаа чинь улам сайжирч зохицолтой болно. Тэд таны сургааль айлдварыг хүлээн авах нь сайжирч сэтгэл санаа чинь өндөр байх юм. Ганц бие бумбынхан энэ цагаар заяаны ханьтайгаа учрах магадлал маш өндөр байх ажээ.

Санхүүгийн хувьд бол тийм ч амжилттай он биш. Зарлагаа хянахад хүндрэл гарна. Мөнгөний гарз их бол хяналт тавих хэрэгтэй. Оюун санааны үнэт зүйлс таны хувьд чухал болж ирнэ. Сурлагадаа тууштай байхгүй бол хүндрэл гарч магадгүй. Ирж буй он энэ ордныхонд аялал жуучлал авчрах бөгөөд урьдчилан сайтар төлөвлөвөл амжилттай болно.

Харилцаанд өөрчлөлт гарахыг үгүйсгэхгүй. Таны орчинд шинэ сонирхолтой уран бүтээлчид гарч ирэх бололтой. Дотоод ертөнцийнхөө зохицуулалт, судалгаанд цаг зав гаргах нь чухал. Энд харин эрс хөдөлгөөн, өөрчлөлт хэрэггүй.

ЗАГАСНЫ ОРД

Загасны ордыг удирддаг Тэнгэрийн ван гариг танай ордод байрлах учраас та энэ жилийн турш л загас усандаа жаргах мэт байх ажээ. Байгалиас заяасан чанараа та ирж буй онд дээд зэргээр харуулах боломжтой. Таны чанар бүхэнд хэрэг тустай. Танд энэ бүгдийн хажуугаар зөн билэг тодорч ирнэ.

Тэртэй тэргүй хүчтэй таны зөн совин нэмэгдэж буй учир бөө, удган болохыг хэн байг гэхэв. Харин түүнийг бодит байдалтайгаа хутгалдуулах хэрэггүй юм.

Оны эхний хагаст богино хугацааны аялал, томилгоо амжилт авчрах ёстой. Тантай уулзан учрах хүний тоо байнга өсөх бөгөөд хүмүүстэй харилцах нь ажил амьдралд чинь тустай. Хөршүүд, түншүүдтэйгээ харилцаагаа сайжруулах цаг энэ болно. Үл хөдлөх хөрөнгөтэй холбоотой бүх асуудлыг шийдэхэд оны сүүлийн хагас танд тус дэмтэй. Амьдрах орчноо сайжруулахаас гадна нухацтай засвар хийлгэх нь таны хувьд том аз болох юм. Тав тухыг та хүсч байгаа учраас энд мөнгө хайрлахгүй. Санхүүгийн асуудлаар тогтвор гарахгүй учраас та эхнээсээ хуримтлал бий болговол зохимжтой. Эрсдэл хийх, хамтарсан төсөлд мөнгө хөрөнгө оруулах нь ашиг авчрахгүй.

Хөрөнгө оруулалт хийнэ гэж байгаа бол сайн банканд мөнгө хийх нь бага ч гэсэн тогтвортой орлого авчирна. Ер нь бол энэ жилд орлого орлоо гэхэд бас гарз гарна гэдгийг мартах хэрэггүй байх.

Дэлхий дахины онцлох 11 үйл явдлыг нэрлэж байна

2011-12-22T12:39:00.000+08:00

Шууд.мн сайт улиран өнгөрч буй 2011 оны онцлох 11 үйл явдлыг нэрлэж байна. Энэ онд хүн төрөлхтөний хувьд олон олон онцлох үйл явдлуудаар арвин жил байлаа. Ойрын жилүүдэд өрнөөгүй хувьсгалууд, дэгдээгүй дуулиан, шуугианаар тасраагүй 2011 он түүхэнд тун ч онцгой тэмдэглэгдэн үлдэх болно.

Арабын хавар

Энэ жилийн хамгийн онцгой үйл явдал хүн төрөлхтөний түүхэнд Арабын хавар, хэмээх нэрээр тэмдэглэгдэн үлдэх хувьсгалын давалгаа байлаа.

Хойд Африкийн Тунис хэмээх багахан улсад 23 жил төрийн толгойд заларсан ерөнхийлөгчөө сэнтийгээс нь унагаж улсаасаа хөөн гаргаснаар энэ бүхэн эхэлсэн. Хэзээнээсээ ардчилал, хувьсал, хувьсгалаас хол хөндий байсан лалын шашинтнуудын хувьсгал хүн төрөлхтөнийг цочроосон гэхэд хилсдэхгүй.

Жилийн хамгийн бага хоногтой хоёрдугаар сараас эхэлсэн Тунисын хавар улмаар Египетэд халдаж 40-өөд жил тус улсыг захирсан Хосни Мубаракын дэглэмийг Тахрирын талбайд нуга даран унагасан. Арабын хавар хэмээх хоршоо үгийг фэйсбүүк, твиттертэй хослосон энэ хувьсгал залуусынх байлаа.

Йемен, Йордан, Бахрейн, Сири, Ливи, Оман, Кувейт, Саудын Арабт 30 40 жил төрийг удирдсан зантгаруудын эсрэг бүтэн жилийн турш сөрөг хүчнийхэн, залуус, ард иргэд тэмцлийн бүх төрлийн аргаар үзэлцэж байна.

Ойрхи Дорнод, Хойд Африкийн улс орнуудын төрийн толгойд олон арван жил заларсан удирдагч, дарангуйлагчдын дэглэм ар араасаа Арабын хаврын салхинд нуран унахыг бид энэ жилийн турш харсаар, одоог хүртэл ажигласаар байна.

Эцэст нь Арабын хаврын үр дүн ямаршуухан байдлаар илрэхийг хүн төрөлхтөн таамаглаж байна. Мэдээж хувьсгалын ард их гүрнүүдийн бодлого өөр өөрийнхөөрөө эргэлдэж байгаа. Тэд ямар бодлого яаж явуулж буйг дэлхий дахин бүтэн жил ажиглалаа.

Арабын хавар үнэхээр л энэ оныг өнгөрсөн жилүүдээс ч илүүтэй тодоор түүхэнд үлдээж байна.

2. Европын санхүүгийн хямрал

Ойрхи Дорнодод хүмүүс тэмцлийн дөлөнд хуйхлагдаж эрх чөлөө, элдэв бүхний төлөө цусаа урсган амиа алдан жагсаж байхад Европт санхүүгийн баталгаандаа санаа зовсон ард иргэд засгийн газрынхаа эсрэг жагссан юм.

Даварсан, хэтэрсэн гэмээр нийгмийн халамжинд умбаж улстөрчдийн хэмжээ хязгааргүй амлалтад мансуурсан Грекчүүдээс Евро бүсийн санхүүгийн хямрал үүдэлтэй.

Нэг үхрийн эвэр доргивол хэдэн үхрийн эвэр доргидог билээ, яг энэ үгний дагуу хямрал Грекээс халин гарч Европын хүчирхэг улс болох Италийг цаламдсан. Италийн улстөрийг олон жил удирдаж, улиг болох шахсан Берлускониг Грекээс үүдэлтэй хямрал улстөрийн тавцнаас унагасан юм. Эдийн засгийн өсөлт нь царцаж, гадаад өрийн асуудалд хариуцлагагүй агаад болхи бодлого явуулсан европчууд Итали, Испани, Ирланд хэмээн ээлж дараагаараа дуу дуугаа авалцан нэрээ зарлаж байна.

Бүс нутгийн гол тоглогчид болох Франц, Герман улс эдийн засгийн хямралтай нүүрлэн тулж байна. Хатагтай Меркель бүтэн жилийн турш зоримог мэдэгдлүүд хийх боловч үр дүнд хараахан хүрсэнгүй. Францын ерөнхийлөгч Николя Саркози Меркелийг тайвшруулж олон улсын хурал чуулгануудад хөтлөлцөн зогсох боловч эцэст нь Европын холбоо задралд тулж ирээд байна.

Одоо Англичууд Европын холбоог задлах нь уу, Грекчүүд задлав уу гэдэг асуултад хариу хүлээн шинэ оныг хөгшин тивийнхэн угтах нь.

Ливийн дайн, Каддафигийн үхэл

Арабын хувьсгалын шуурганд өртөж иргэний дайнд автсан Ливи улс энэ оны хамгийн халуун цэг болсон юм.

Хоёрдугаар сарын 15-наас эхэлсэн жагсаал цуглааныг цэргийн хүчээр нухчин дарж эхэлснээр Муаммар Каддафигийн дэглэмийн эсрэг Ливичүүд зэвсэг барин боссон билээ.

Тус улсыг 40 жил захирсан дарангуйлагч Муаммар Каддафигийн үхлээр Ливийн босогчдын ялалт баталгаажсан гэхэд болно.

Ливи улс хоёр хуваагдан байлдаж эхэлснээр дөрөвдүгээр сард АНУ тэргүүтэй гүрнүүд НАТО-гийн хүрээнд тус улсад цэргийн ажиллагаа явуулж эхэлсэн.

Нийслэл Триполи болон Каддафигийн талынхны хяналтад байсан хотуудыг НАТО олон сарын турш бөмбөгдөж, пуужингаар харвасан. Олон мянган гэмгүй ливичүүд амь үрэгдсэн. НАТО-гийн дэмжлэгтэйгээр аажмаар давуу тал босогчдын талд шилжиж Муаммар Каддафи хотуудаа ээлж дараалан алдсаар эцэст нь нийслэл Триполийг орхисноор дайны ялагч тодорхой болсон билээ.

Эцэст нь аравдугаар сарын 20-нд Арабын ертөнцийн хамгийн бардам, хүчирхэг удирдагчийг ус зайлуулах сувгаас босогчид баривчилж хэрцгийгээр хөнөөснөөр Ливид иргэний дайн дууссан гэж хэлж болох.

Иргэний дайны хөлд үрэгдсэн олон арван мянган хүмүүсийн цусаар Ливид одоо шинэ төрт улс бий болж байна. Дайны ард идэвхтэй тоглолт хийсэн их гүрнүүд Ливийн баялгийн эзэд нэгэнт болсныг хүн төрөлхтөн харж байна.

Японыг дайрсан байгалийн гамшиг ба Фукушима

Ливид 40 гаруй мянган хүн дайны хөлд амь үрэгдэж байхад Японы аралд 30 орчим мянган хүн амиа алдсан гамшиг тохиолоо. Гуравдугаар сарын 11-нд Японы эргээс холгүй далайн гүнд болсон газар хөдлөлт аймшигт цунами үүсгэсэн нь ойрын түүхнээ хүнтөрөлхтөнд оноосон байгалийн томоохон шийтгэл байлаа.

Газар хөдлөлтөөс үүдсэн цунамигаас үлдсэн дүр зураг дайн дажнаас ч айхавтар харагдана. Дэлхийн II дайнаас хойш Японд учирсан хамгийн хүнд хохирлыг авчирсан цунами араасаа Фукушима хэмээх гамшгийг дагууллаа.

Фукушимагийн атомын цахилгаан станц хэдэн cap үргэлжилсэн айдас дагуулж, цацраг идэвхт бодис алдагдаж цөмийн эрчим хүчний аюулгүй байдлын талаар олон улсыг дахин тунгаахад хүргэсэн юм.

Одоо ч Фукушимагаас алдагдсан их хэмжээний цацраг идэвхт бодисын хөнөөл аажмаар Японы арлыг нөмөрсөөр байна. Чернобылийн гамшигт хөнөөл зүүн европыг тэр чигт нь хамарсан шиг Фукушимагийн хөнөөл Зүүн Азийг нөмрөхөөр айдас дагуулсаар байна.

Ким Чен Ирийн төгсгөл

Оны сүүлэн дээр дэлхий дахины анхаарлын төвд ороод буй үйл явдал яг одоо өрнөж байгаа нь Умард Солонгосын удирдагч Ким Чен Ир 69 насандаа таалал төгссөн явдал юм.

1994 оноос албан ёсоор тус улсыг удирдаж эхэлсэн тэрбээр эцгийнхээ байгуулсан улсыг цэрэгжсэн, үзэл суртлын хаагдмал, тусгаарлагдмал улс болгож хувирсгасан билээ.

Цөмийн зэвсгээр барьцаалан геополитикийн тоглолт хийж бүс нутагтаа аюулгүй байдлыг үе үе байхгүй болгодог, гэнэтийн шийдвэр гаргадаг байснаараа тэрбээр алдартай. Улсынхаа эдийн засаг, хүн амдаа ахадсан цэрэг арми, зэвсэглэлтэй Умард Солонгос Ким Чен Ирийн дараа хэрхэн яаж өөрчлөгдөх вэ гэдэг асуудал дэлхий нийтийн анхаарлыг татаж байна.

Хүн төрөлхтөнийг цочирдуулсан алуурчин

Дэлхийн II дайнаас хойш дарийн утаа үнэрлээгүй шахам Норвеги энэ оны долдугаар сард дэлхий дахиныг цочирдуулсан билээ. Зуны нэгэн өдөр дэлхийн хамгийн амгалан тайван гэж хэлж болох тус улсын нийслэл Ослод төрийн захиргааны байшингийн гадна тэсрэх бөмбөг дэлбэрч, найман хүн амь үрэгдсэн нь норвегичуудыг цочролд оруулсан. Гэвч энэ аймшигт халдлага зөвхөн эхлэл нь байжээ.

Эх газраас холгүйхэн Утойя арал дээр тус улсын Хөдөлмөрийн намыг дэмжигч залуучуудын лагерьт алуурчин зочилж алан хядах ажиллагаа явуулснаар 69 өсвөр, залуу насныхан амь үрэгдсэн юм.

Энэ аймшигт хэргийг бүгдийн таамаглаж байсанчлан аль нэгэн террорист бүлэглэл үйлдсэнгүй Андрес Брейвик хэмээх 32 настай норвеги эр олон жил төлөвлөсөн халдлагаа хэрэгжүүлсэн нь энэ байлаа.

Хэт барууны үзэлт тэрбээр зүүний үзэлтнүүд хийгээд цагаачид, даяарчлалыг дэмжигчдийг үзэн ядагч юм. Хүн төрөлхтөний түүхэн дэх аймшигт алуурчдын тоонд орсон Брейвикийн шүүх хурал өнгөрсөн сард болсон юм. Ирэх оны хавар түүнд шүүхээс ял онооно. Магадгүй сэтгэцэд нь өөрчлөлт гарч галзуурлын анхан шатны шинж тэмдэг илрэх болсон Брейвик шорон биш эмнэлгийг ч сонгож мэдэх.

Ямартай ч террористууд гэхээр зөвхөн онгоц хулгайлж байшин мөргөдөг, хүн барьцаалж дэлбэлж тэсэлдэг лалын лалын тулгар үзэлтнүүд, үндэсний цөөнхийн тэмцэгчдийг хэлдэггүй гэдгийг бид энэ жил харлаа. Дөнгөж саяхан бас л Европын хамгийн амгалан тайван орнуудын нэг Бельгид Брейвикийн залгамжлагч гэмээр нэгэн залуу хотын төв талбайд гэгээн цагаан өдөр бөмбөг дэлбэлж хүмүүс рүү буу шагайн эрдэнэт хүний амийг олноор нь тасалсан хэрэг гарсан нь хүмүүс бидний ирээдүй юу руу чиглэж явааг дахин тунгаахыг шаардах мэт.

АНУ-ын гадаад өрийн дуулиан

Энэ оны гол дуулианы нэг Америкийн өрийн таазын асуудал байлаа. Ерөнхийлөгч Обама болон конгрессын гишүүдийн, Ардчилсан ба Бүгд Найрамдах намын санхүүгийн хямралын талаархи мэтгэлцээн эцэст нь дэлхий дахиныг хэд хоног айдаст автуулсан.

Дахин олон улсыг хамарсан эдийн засгийн хямрал дэгдэх үү, хямрал эзэддахиад л америкчууд байх уу гэдэг асуултад Обама хариулт өгсөн. Магадгүй өрийн таазыг дээшлүүлсэн нь хямралыг түр зуур хойшлуулсан хариулт ч байж мэдэх.

Ямартай ч дэлхийн эдийн засгийн тэргүүлэх гүрэн болох АНУ-ын санхүү эдийн засгийн бодлого сульдаж энэ зуун Азийн зуун болохыг хүн төрөлхтөн 2011 онд баттай мэдэрлээ. ААА зэрэглэлээс анх удаа АА+ болж буурсан тус улсын санхүүгийн чадамж ойрын 10 жилд эргээд байр сууриндаа орж чадахгүй тухай олон улсын ажиглагчид бичиж байна.

Бин Ладены ангуучлал төгсгөл болсон нь

Дэлхийн номер нэг террорист хэмээгдэн олон сая доллар толгойдоо амлуулж асан зартай этгээд болох Осама бин Ладеныг бид 2011 онд олж харлаа. Харахдаа америк цэргийн суманд сийчүүлсэн төрхтэй цогцсыг нь харсан билээ.

Тавдугаар сарын 1-нд ерөнхийлөгч Барак Обама магадгүй муу үйлээрээ дэлхийн хамгийн алдартай хүний нэг болоод олон жилийн нүүр үзсэн Осама бин Ладеныг устгасан тухай албан ёсоор зарласан юм.

Америкийн тусгай хүчний тэнгисийн муурнуудын дээд зэрэглэлийн нууц цэргийн ажиллагаа Пакистаны нутаг дэвсгэрт өрнөсөн. Бин Ладеныг уул хадан дундаас биш Пакистаны цэргийн академийн дэргэдээс тансаг харшдаа байхад нь тэнгисийн муурнууд “устгал” хийсэн. Америкчуудын бүс нутгийн хамгийн дотны түнш болох Пакистаны засаг захиргаа ч бин Ладеныг орогнуулж байсандаа ихэд цочирдсон гэдэг. Америкчуудын хамгийн дотны нөхөд нь хамгийн заналт дайсныг нь орогнуулж байсан нь хоёр улсын хооронд одоо үүсээд байгаа ан цавыг эхлүүлсэн.

Бин Ладены үхэл магадгүй Аль Каида бүлэглэлийн хүрээ хумигдахад хүргэсэн хэмээн шинжээчид үздэг. Цагаан ордны мэдээлж буйгаар зартай алан хядагчийг Араб тэнгист оршуулсан.

Цасны хувьсгал ба Думын сонгууль

Хэдийгээр Путины нам ялсан ч үндсэндээ ялагдалд алхмаар ойртсон юм. Оны төгсгөлд хойд хөршид маань өрнөж буй сонгуулийн дараахь үйл явдал яах аргагүй энэ жилийн онцлох үйл явдлын нэгээр нэрлэгдэх учиртай.

Ерөнхий сайд Путины тэргүүлдэг эрх баригч Нэгдсэн Орос нам хэдийгээр Думд ялалт байгуулж ихэнх суудлыг эзэлсэн ч өмнөх үзүүлэлттэй нь харьцуулахад барагтайхан амжилт байлаа. Магадгүй эрх баригчид сонгуулийг луйвардаагүй бол өдийд оросын төрийн Думд сөрөг хүчнийхэн тал нь шахуу болж ороход ойрхон байсан гэх.

Ямартай ч ЗХУ задарч Орос оронд перестройка өрнөж байснаас хойшхи хамгийн томоохон улстөрийн тэмцэл одоо жагсаал хэлбэрээр үргэлжилсээр байна. Санасандаа хүрэхээ мэдэгдээд буй оросын сөрөг хүчнийхэн барууныхны мэдэгдэлд тун ч сэтгэл хангалуун байгаа бололтой.

АНУ-ын төрийн нарийн бичгийн дарга хатагтай Хиллари Клинтон сонгуулийг анхааралтай ажиглаж нэгдсэн дүн гарч амжаагүй шахам байхад өөрөө Путинд луйвардуулсан мэт бачимдсан мэдэгдэл хийсэн. Хариуд нь Путин ч дуугүй суусангүй. Америкчуудыг Орос орны дотоод хэрэгт хөндлөнгөөс хутгалдаж сонгуулийн үйл ажиллагаанд нөлөөлөхөөр асар их мөнгөний урсгал оруулж байна хэмээн хатуухан шүүмжилсэн. Зул сарын баярын өмнөх өдөр буюу энэ сарын 24-нд одоо жагсаж байгаа иргэдээс ч хавьгүй олон буюу 50000 орчим мянган сонгуулийн дүнг эсэргүүцэгчид сүрт жагсаал хийхээ мэдэгдээд байгаа. Эрх баригчид хүч хэрэглэлгүй анхааралтай ажиглаж байгаа хэдий ч урьдчилан тооцоолоогүй байдалд хүрвэл хатуу арга хэмжээ авахаа мэдэгдээд амжсан.

Ийнхүү арабын хавраар эхэлсэн тэмцлийн дуулиан өвөл нь хүртэл Орос гүрэнд үргэлжилж цасны хувьсгал хэмээх нэр авч байна. Магад ч үгүй ирэх оны хавар Орос орноор нэрлэгдэх ч юм билүү.

Орхигдсон Палестин

Нөгөө л нэг НҮБ-ын шүдний өвчин Палестинчууд энэ жил мөн л оны онцлох үйл явдлыг бүтээлээ. Ойрхи Дорнодын энхийн хэлэлцээний асуудал урьд байгаагүйгээр бүдгэрсэн энэ жил Палестин улсын засаг захиргаа асуудлыг олон улсын тавцанд шийдэхийг оролдсон юм.

НҮБ-ын Ерөнхий ассамблейн чуулган есдүгээр сард болоход Палестины ерөнхийлөгч Махмуд Аббас НҮБ-ын гишүүн орон болгохыг албан ёсоор хүссэн юм. АНУ, Израилийн эрх баригчид барьц алдаж НҮБ-ыг бойкотлохыг оролдов. Тусгаар тогтнолоо НҮБ-аар батлуулахыг оролдсон Махмуд Аббасын оролдлого ямартай ч түүнийг үндэсний баатрын хэмжээнд нэгэнт аваачсан. АНУ, Израйль Палестины тусгаар тогтнолын эсрэг тууштай зогсож байсан ч хэний ч төсөөлөөгүйгээр ЮНЕСКО Палестиныг албан ёсны гишүүн орноороо зарласан. Үүнийхээ хариуг ч ЮНЕСКО АНУ-аас хүртсэн.

Дээдсийн хурим

Оны онцлох үйл явдлууд ихэнх нь хямрал, хувьсгал, хор хөнөөл дагуулсан үйл явдлууд байсан бол дэлхий дахины хэмжээний гэгээн цагаан үйл явдал ч мөн өрнөсөн.

Их Британийн угсаа залгамжлагч хунтайж Уиллиамын цуутай хурим энэ оны онцлох үйл явдлын нэг. Өдгөөгөөс 30-аад жилийн өмнө Уиллиамын эцэг эх болох ханхүү Чарльз Диана гүнж нарын хурим зууны хурим хэмээн нэрлэгдэж байсан юм.

Харин Уиллиам, Кейт Миддлтон нарын хурим алдар цуугаараа тэрхүү хуримаас дутахааргүй байсан юм. Дэлхий нийтээрээ английн ханхүү гүнж нарын аз жаргалтай мөчийн гэрч болсон гэхэд хилсдэхгүй шахам. Дөрөвдүгээр сарын 29-ний өдөр Их Британийн уламжлал, түүх, их гүрний сүр хүчийг дэлхий чихээ дэлдийлгэн ажигласан.

www.shuud.mn

Монгол блогчид 2011

2011-12-01T16:58:00.002+08:00

МОНГОЛ БЛОГЧИД- 2011

Монголын шилдгийн шилдэг блогчдыг шалгаруулах ѐслолын арга хэмжээ, цахим нийгмийн гишүүдийн хамгийн том цугларалт

Хөтөлбөр

Хэзээ: 2011 оны 12 сарын 3-ны 19:00 цагт

Хаана: iLoft Function House

Улаан хивсний ёслол

19:00- 19:30 Хүндэт зочид, блогчид, блог сонирхогчид хүрэлцэн ирнэ “Блог гэж юу вэ” нэвтрүүлэг

Ёслолын ажиллагааны нээлт

19:30 Нээлтийн үг

19:40 “Алтан ураг” ураг хамтлаг

19:55 “Монгол Блогчид” Наадмын тухай танилцуулга

Шагнал гардуулах ёслолын ажиллагаа

20:00 Наадмын шүүгч нар, хүндэт зочидыг танилцуулна

Оны Шилдэг Энтертайнмент Блог хөтлөгчид цом, шагнал гардуулна

20:10 Цом гардуулагч: Блогч Хашир Анжигай

#1 Ивээн тэтгэгч “EveryDay international” ХХК-ны төлөөлөл үг хэлж нэрэмжит шагналаа гардуулна.

20:20 “Галт шувуу” цэнгээнт бүжгийн хамтлаг

Оны Шилдэг Нийгмийн сэдэвт Блог хөтлөгчид цом гардуулна

20:25 Цом гардуулагч: Эдийн засагч Д.Жаргалсайхан

#2 Ивээн тэтгэгч “Хас” банкны төлөөлөл үг хэлж нэрэмжит шагналаа гардуулна.

20:35 “Colours” амьд хөгжмийн хамтлаг

Оны Шилдэг Бизнес Блог хөтлөгчид цом гардуулна

20:40 Цом гардуулагч: Сэтгүүлч, зохиолч А.Амарсайхан

#3 Ивээн тэтгэгч байгууллагын төлөөлөл үг хэлж нэрэмжит шагналаа гардуулна.

20:50 Новосибирскийн урлагийн их наадмын шилдэг ятгачин Б.Уянга

Оны Шилдэг Боловсролын сэдэвт Блогчид цом гардуулна.

20:55 Цом гардуулагч: МҮОНТелевизийн захирал Ц.Оюундарь

#4 Ивээн тэтгэгч байгууллагын төлөөлөл үг хэлж нэрэмжит шагналаа гардуулна. 21:00 Морин хуурч Б.Болдхүү

Оны Шилдэг Технологийн Блогчид цом гардуулана

21:05 Цом гардуулагч: Нээлттэй эхийн програм хангамжын эксперт С.Дөлмандах

#5 Ивээн тэтгэгч байгууллагын төлөөлөл үг хэлж нэрэмжит шагналаа гардуулна.

21:15 Mongolian Best Dance Crew тэмцээний ялагч, Дуучин В.Уянга

21:20 “Блогчид зардигдсан” вайрал видео уралдааны дүнг танилцуулж шагнал гардуулна

21:40 “Блогчид зарлигдсан” уралдааны тэргүүн бүтээлийг танилцуулна
21:45 Шилдэг твиттерчдийг шалгаруулах үйл ажиллагаа

Оны шилдгийн шилдэг блогчид цом гардуулна.

22:00 Цом гардуулагч: New Media Group-ийн ерөнхийлөгч А.Мэнд-Орших
#6 Ивээн тэтгэгч Fusion brand- ийн төлөөлөл үг хэлж нэрэмжит шагналаа гардуулна. 22:10 Наадмын ивээн тэтгэгч байгууллагуудыг танилцуулна.
22:10 Хүндэтгэлийн зураг авалт
22:30 Нээлттэй микрофон

Бусад үйл ажиллагаа
- Хөтөлбөрийн үйл ажиллагааг интернетээр шууд дамжуулна
- Уран бичлэг хийх
- Нүүрэн дээр зурах
- Хайчилбар хийх
- Хар зургаар өөрийн хөргөө зуруулах
- Blue NUN дарсны амталгаа, тэмцээн
- Гэрэл зураг сонирхогчдын зургийн булан
- Кино сонирхогчдын булан
- Ивээн тэгтэгч байгууллагуудын булан ажиллана

22:40- 24:00 Чөлөөт хөтөлбөр
- Нэрийн хуудас солилцох
- Урлагийн тоглолтууд
- Хүүхэлдэйн театрын үзүүлбэр
- Авьяаслаг монголчууд шоуны шилдэг 5-д шалгарсан Beatcrew хамтлаг
- Universe Best Songs шилдэг 25д багтсан дуучид: Энгүүнээ, Урангоо, Соѐмбо, Цэлмүүн
- Тэмцээн, уралдаан
- Ивээн тэтгэгч байгууллагуудын нэрэмжит тэмцээн, гоѐ шагналтай

24:00- 04:00
- Парти

Такс: 5000 төг, Уух зүйлс үнэгүй.
Таксийг тухайн үед нь шууд ирээд авах боломжтой
/Жич: Такс нь ЗАРЛИГ хүмүүнлэгийн санд хандив болно/

Холбоо барих
Утас: 365555, 88061518, 95699211
http://mongolbloggers.org

МТ-ийн оны хүн хэн бэ?

2011-11-29T09:12:00.003+08:00

Мэдээлэл-холбооны технологийн єнєєгийн хєгжил, ололт нь дэлхий даяар эдийн засаг, хvний нийгмийн хєгжлийг дэмжигч гол хvчин зvйл болж, бидний амьдралд салшгvй хэсэг болон улам ихээр нэвтэрсээр байгаа билээ. Энэ цаг vетэй уралдан “Монголын Хєгжлийн Гарц” (МХГ) тєрийн бус байгууллагаас санаачлан хамтран ажиллагч байгууллага, мэргэжилтнvvдийн дэмжлэгтэйгээр гуч гаруй жилийн тvvхэн замнал бvхий мэдээллийн технологийг Монголд хєгжvvлэхэд vнэтэй хувь нэмэр оруулсан, мєн оруулсаар ч байгаа хувь хvнийг сонгон шалгаруулж, олон нийтэд таниулан алдаршуулах зорилгоор Мэдээллийн технологи (МТ)-ийн “ОНЫ ХVН” шалгаруулалтыг ес дахь жилдээ зохион байгуулж байна.

ШАЛГАРУУЛАЛТ
Доорхи есєн чиглэлийн номинацад холбогдох мэргэжлийн болон дэмжих vйл ажиллагааг 2011 онд амжилттай явуулсан, явуулж буй хувь хvний нэрийг дэвшvvлэн шалгаруулна:

1. Манлайлагч
МТ-ийн салбарын ажил, vйлчилгээ эрхэлдэг байгууллагын удирдах ажилтан

2. Програм зохиогч
Компьютерийн бvх тєвшний програм, мэдээллийн бааз, вэб хуудас зохиогч

3. Судлаач
Их, дээд сургуулийн багш, эрдэм шинжилгээний ажилтан, бие даасан судлаач, эрдэмтэн

4. Инженер
Микропроцессорын удирдлагатай тоног тєхєєрємж зохион бvтээгч-инженер, электроник, автоматжуулалт болон сvлжээний инженер

5. Техникч
Админ, операторч, техникч, эрдэм шинжилгээний туслах ажилтан

6. Анхдагч
МТ-ийн салбарыг Монголд vvсч хєгжихєд хувь нэмрээ оруулсан, анх удаа МТ-ийн техник, технологи нэвтрvvлсэн хувь хvн, зохион байгуулагч (Энэ номинацид он хамаарахгvй)

7. Бизнесмэн-дэмжигч
МТ-ийн бус салбарт МТ-ийг хамгийн vр дvнтэй нэвтрvvлдэг ажил хэрэгч хvн

8. Тvшээ-дэмжигч
МТ-ийг хамгийн сайн дэмждэг тєрийн ажилтан, албан хаагч, УИХ-ын гишvvн

9. Гадаад-дэмжигч
МТ-ийг хамгийн сайн дэмждэг гадаад улсын иргэн, олон улсын байгууллагын ажилтан

Оны хvнийг шалгаруулах vйл ажиллагаа нэр дэвшvvлэх, урьдчилсан сонгон шалгаруулалт, тєгсгєлийн сонгон шалгаруулалт гэсэн гурван vе шатаар явагдана. Ажлын албанд хvлээн авсан огноог баримтлан хугацаанаас хоцорсон тодорхойлолт, саналыг сонгон шалгаруулалтанд оруулахгvй.

Нэр дэвшvvлэх:
2011 оны 11-р сарын 10-ны єдрєєс эхлэн 20 хоногийн хугацаанд нээлттэй явуулна. Байгууллага, хувь хvн нэр дэвшvvлж байгаа хvнийхээ талаар тухайн номинацид тохирсон тодорхойлолтын маягтыг бєглєж ажлын албанд албан бичгээр буюу электрон шуудангаар ирvvлнэ.
Маягтыг энд дарж авна уу.

Урьдчилсан сонгон шалгаруулалт:
Нэр дэвшvvлэх ажиллагаа дууссанаас хойш 5 хоногт багтаан шагнал санаачлагчдын хороо ажлын албанд ирсэн тодорхойлолтыг vндэслэн номинац тус бvрт 5 хvртэлх нэр дэвшигчийн нэр бvхий жагсаалтыг гаргана. Санаачлагчдын хороо нь тодорхойлолттой холбогдох нэмэлт тайлбар, шаардлагатай нотолгоог нэр дэвшигчээс гаргуулж авч болно.

Тєгсгєлийн сонгон шалгаруулалт:
Тєгсгєлийн сонгон шалгаруулалтанд оролцох нэр дэвшигчдийн нэр, товч тодорхойлолтыг vндэслэн холбогдох байгууллагуудын мэргэжлийн тєлєєлєгчдийн бvрэлдэхvvнтэй шалгаруулах комиссын саналыг 70%, олон нийтийн саналыг 30%-иар тус тус vнэлэн эцсийн дvнг 12-р сард гаргана. Номинац тус бvрт зєвхєн эхний байр эзэлсэн хvнийг шалгаруулна.

Олон нийтийн санал хураалт:
Тєгсгєлийн сонгон шалгаруулалтанд оролцох нэр дэвшигчдийн талаархи мэдээллийг Интернэтэд байрлуулж, хэвлэл мэдээллийн хэрэгслээр нийтэд зарласнаас хойш 15 хоногийн дотор олон нийтийн саналыг ажлын албанд электрон буюу ердийн шуудангаар хvлээн авна. Байгууллага, хувь хvмvvс тухайн номинацаар зєвхєн нэг удаа санал єгєх эрхтэй. Байгууллагын саналыг арван хvний саналтай тэнцvvлэн тооцно.

Шагнал:
“Оны хvн”-д цом, гэрчилгээ олгоно.

ШАГНАЛ САНААЧЛАГЧДЫН ХОРОО

Ажлын албаны хаяг:
Монголын Хєгжлийн Гарц ТББ,

Утас/Факс: 319367,
Мэдээллийн технологийн vндэсний паркийн байр, 305 тоот
Вэб: www.mongolia-gateway.mn/itprize,

Э-шуудан: info@mongolia-gateway.mn

Европын орнуудын өр зээлийн харьцаа 2011 оны эцсийн байдлаар

2011-11-22T12:28:00.002+08:00

Startup Weekend Mongolia 3 Is Here

2011-11-17T16:45:00.001+08:00

Startup Weekend Mongolia 3нь 2011 оны 11 сарын 18-20 өдрүүдийн хооронд МТҮП(IT Park) дээр зохион байгуулагдах болно. Энэ удаагийн үйл ажиллагаагаара бид оролцогч залуустаа бөөн бөөн сюрпртзийг бэлдсэн байгаа билээ.

Startup Weekend Mongolia 3 үйл ажиллагаа нь Global Startup Battle (GSB) –д оролцох эрхээ албан ёсоор авсан тухай мэдээллээ бид өмнөх Newsletter дээрээ мэдэгдсэн билээ. Бид бүгдээс та бүхэнд барих бас нэгэн гайхмшигт мэдээлэл бол манай Startup Weekend Mongolia 3 үйл ажиллагааны ялагч баг нь бас 2012 оны 2 сард Сингапур улсад зохиогдох Demo Asia 9 олон улсын экспо чуулга уулзалтанд үнэгүй оролцох эрх бүхий шагналыг гардан авахаар боллоо. Энэхүү экспогоор та олон улсын хөрөнгө оруулагчнарт өөрийн шинэ бизнессийг тайлбарлан түүгээрээ дамжуулан хөрөнгө оруулалт авах хамгийн том бодит боломжыг олж авах юм.

9 удаа зохиогдож буй DEMO Asia чуулга уулзалт нь дэлхий дахинаа өөрсдийн бизнесийг таниулах зорилготой Ази тивдээ хамгийн шилдэг компаниудын төлөөх хамгийн том индэр юм Мөн Азийн зах зээлд амжилт олох бодолтой дэлхийн өнцөг бүрийн компаниудын диваажин гэж хэлэхэд болно. DEMO Asia чуулга уулзалтан дээр шигшигдэж шалгарсан бүтээгдэхүүн нь дэлхий дахины хэвэлэл мэдээлэл, агуу туршлагатай хөрөнгө оруулагч, корпорацийн худалдан авагч, стратегийн хамтрагч болон энгийн худалдан авагч нарын дунд шинээр гарч ирэх том боломж болох бизээ. Зохион байгуулагчдийн зүгээс хэлэхэд ЭНЭХҮҮ үйл ажиллагаа мань 2011 оны хамгийн сүүлийн хамгийн ТОМ үйл ажиллагаа болох болно гэдгийг амлаж байна. Та бүхэн идэвхитэй оролцоно уу. Танаас шаардагдах зүйх бол ердөө л таны бизнес санаа. Тэгээд л болоо!!! Ажилдаа залуусаа

УДБЭТ-ын аравдугаар сарын хөтөлбөр

2011-09-14T10:23:00.002+08:00

Улсын дуурь, бүжгийн эрдмийн театрын 49 дэх улирал эхлэхэд бэлэн болжээ. Энэ удаад тус театрынхан аравдугаар сарын 8-нд Дж.Вердийн “Аида” дууриар шинэ улирлын нээлтээ хийх аж. Өнгөрсөн жил анх удаа “Аида” дуурийг амилуулсан УДБЭТ-ынхан энэ жил “Спартак”, “Атилла” бүжгэн жүжгийг тайзнаа тавих төдийгүй “Аида” дуурийг говьд тоглохоор зэхэж байгаа юм. Харин нээлтээ хийж буй аравдугаар сард тус театрын уран бүтээлчид “Аида”-гаас гадна, Б.Дамдинсүрэнгийн “Учиртай гурван толгой”, Х.Билэгжаргалын “Ламбугайн нулимс”, Ж.Россинийн “Севилийн үсчин” дууриуд болон П.И.Чайковскийн “Хунт нуур”, “Л.Минкусын “Дон Кихот”, А.Аданы “Жизель” бүжгэн жүжгийг сонгодог урлагийн хорхойтнууддаа хүргэхээр болжээ.

УДБЭТ-ын аравдугаар сарын тоглолтын хөтөлбөр

Аравдугаар сарын 8: Дж.Верди “Аида” дуурь
Аравдугаар сарын 9: Дж.Верди “Аида” дуурь
Аравдугаар сарын 15: Б.Дамдинсүрэн “Учиртай гурван толгой” дуурь
Аравдугаар сарын 16: П.И.Чайковский “Хунт нуур” балет
Аравдугаар сарын 22: Ж.Россини “Севилийн үсчин” дуурь
Аравдугаар сарын 23: Л.Минкус “Дон Кихот” балет
Аравдугаар сарын 29: Х.Билэгжаргал “Ламбугайн нулимс” дуурь
Аравдугаар сарын 30: А.Адан “Жизель” балет

Мэдээлэл, шуудан, харилцаа холбоо технологийн салбарынхандаа баярын мэнд хүргэе!

2011-07-29T13:28:00.002+08:00

Монгол Улсад орчин цагийн мэдээлэл, шуудан, харилцаа холбооны салбар үүсч хөгжсөний түүхт 90 жилийн ой энэ онд тохиож байна. Тус салбарын хөгжлийг өнөөгийн түвшинд хүргэхэд ажил амьдралаа зориулсан үе үеийн ахмадууд тэдний залгамж халаа болсон залуу үеийнхэндээ Засгийн газрын тохируулагч агентлаг-Мэдээлэл, шуудан, харилцаа холбоо, технологийн газрын нэрийн өмнөөс болон хувиасаа салбарын түүхт 90 жилийн ойн баярын мэнд дэвшүүлж сайн сайхан бүхнийг хүсэн ерөөе!

Нэгэн зууныг өртөөлөн дамжсан манай салбарынхан хийсэн ажлаа дүгнэж, хийх ажлаа төлөвлөн 90 жилийн ойгоо амжилт дүүрэн угтаж байна. 1921 онд орчин цагийн харилцаа холбооны үндэс суурь бий болсон цагаас эхлэн хөдөө орон нутгийн холбоожуулах, цахилгаан холбооны нэгдсэн тогтолцоо бий болгох, радио болон телевизийн өргөн нэвтрүүлгийн системийг нэвтрүүлэх зэрэг томоохон төсөл хөтөлбөрүүдийг амжилттай хэрэгжүүлж ирсэн.

2005 оноос “Цахим монгол” үндэсний хөтөлбөр хэрэгжүүлсний үр дүнд интернэтийн хэрэглээ 18,8 дахин нэмэгдэж, . гар утас дээдсийн хэрэглээ мэт “нүдний гэм” байсан бол давхардсан тоогоор өнөөдөр Монгол Улсын 2,5 сая орчим иргэн үүрэн телефон хэрэглэдэг болжээ. Монголын үндэсний телевизийг цөөн цагаар үздэг байсан үзэгчид хот, хөдөө орон нутаг гэж ялгалгүй 10 гаруй сувгаас өөрийн хүссэнийг сонгон үзэх боломжтой боллоо. Шилэн кабелийн сүлжээ 21 аймаг, 160 сумдад хүрснээр хүссэн мэдээллээ хаанаас ч олж авах нөхцөл бүрдээд байна.

Манай салбарын хөгжил дэвшил улс орны эдийн засгийн хөгжилд чухал хувь нэмэр оруулдаг гэдэгтэй хэн ч маргахгүй бизээ. Өнгөрсөн оны байдлаар дотоодын нийт бүтээгдэхүүний 10 гаруй хувийг Мэдээлэл, шуудан, харилцаа холбоо, технологийн салбарынхан дангаар бий бүрдүүлж байна.

Мэдээлэл шуудан, харилцаа холбоо технологийн салбарын гол онцлог нь “хурд” юм. Энэ бол жирийн нэг “хурд” биш улс орны хөгжлийн зангилаа, дэд бүтцийн амин сүнс болсон хурд. Иймээс тасралтгүй өөрчлөлт шинэчлэлтийн салхи манай салбарт сэвэлзэж байдаг. Технологийн хөгжилтэйгээ уялдан хэрэглээ, харилцаа, үйлчилгээний соёл ч аль хэдийн бий болжээ.

Таны өдөр тутмын амьдралын салшгүй нэг хэсэг болсон шуудан, радио, телевиз, интернэт, гар утас, программ хангамж гээд эдгээр үйлчилгээг Монгол Улсад Мэдээлэл, шуудан, харилцаа холбоо технологийн салбарынхан 90 жилийн турш тасралтгүй, найдвартай, шуурхай хүргэж ирсэнийг энд цохон тэмдэглэхэд таатай байна.

Түүхт 90 жилийн ойгоо тэмдэглэн өнгөрүүлж буй салбарын хамт олон, ахмадууд болон нийт хэрэглэгч та бүхэндээ аз жаргал, эрч хүч, ажлын амжилт бүтээл бүхнийг хүсэн ерөөе!

Хүндэтгэсэн МШХХТГ-ын дарга Ж. Бат-Эрдэнэ

Монгол Улсын Ерөнхийлөгч Цахиагийн ЭЛБЭГДОРЖ Үндэсний их баяр наадмыг хааж хэлсэн үг

2011-07-14T19:00:00.002+08:00

Эрхэм хүндэт наадамчид аа!

Хүндэт зочид оо!

Их түүхэн ойнууд, өнтэй зун давхацсан Монгол түмний баяр наадам сайхан болж өндөрлөж байна. Аргамаг хөлгүүд маань хурдтай, харваачдын цэц мэргэн байж, хүчит бөхчүүд маань бяр ухаанаа дайчлан барилдаж наадамчин олноо тэгш дүүрэн баярлууллаа.

Дараа жилийн наадам хүртэл Монгол улсын иргэн, айл өрх бүрт хийж бүтээх өрнүүн их ажил биднийг хүлээж байна. Төр түмэн дор бүрнээ хариуцлагатай, шуурхай ажиллаж их үйлсийг бүтээж ирэх жилийн наадмаараа эргэн уулзацгаая.

Улс түмнээрээ урагш ахисан ирмүүн амжилт их бүтээлтэй байхыг ерөөж энэ жилийн баяр наадмын их ёслолын ажиллагаа ийнхүү өндөрлөж байгааг уламжилъя.

Монгол түмний аз хийморь нь өөдрөг, ажил үйлс нь тэгш, буян заяа нь улам дэлгэрэх болтугай.

2011.07.12.

Үндэсний их баяр наадам, Их Монгол улс байгуулагдсаны 805 жилийн ой, Тусгаар тогтнолоо сэргээсний 100, Ардын хувьсгалын 90 жилийн ойн баяр наадмыг нээ

2011-07-14T18:49:00.004+08:00

Үндэсний их баяр наадам, Их Монгол улс байгуулагдсаны 805 жилийн ой, Тусгаар тогтнолоо сэргээсний 100, Ардын хувьсгалын 90 жилийн ойн баяр наадмыг нээж Ерөнхийлөгчийн хэлсэн үг.

Эрхэм хүндэт ард иргэд наадамчид аа, хүндэт зочид, хатагтай ноёд оо. Эх сайхан нутаг дэлхийн олон газар наадамлаж байгаа Монголчууддаа болон нийт зочиддоо Монгол наадмын сүр жавхланг билэгдсэн халуун мэндчилгээ өргөж, нийт наадамчин олондоо сайхан наадахыг чин сэтгэлээсээ хүсэн ерөөе.

Энэ жил Монгол нутаг даяар олон жилийн ган зүдгүүрийг тайлсан аргагүй сайхан зун болж байна. Хүн арддаа ойр, байгаль дэлхийдээ ээлтэй байвал түмний үйлс тэгширч, уул ус баясан цэнгэж өлзий буянаа хайрладаг. Азай буурлуудын магнай тэнийсэн, хүүхэд багачуудын цолгин дуу хуур цуурайтсан Монгол наадам тэнүүн сайхан болох нь дамжиггүй.

Энэ жилийн наадам олон жилийн наадмаас онцгой содон юм. Монгол түмний их түүхийн бахархалт мөчлөгүүд давхцаж байна. Монголын тулгар төрийн 2220, Их Монгол Улсын 805, Үндэсний эрх чөлөөний болон Ардын хувьсгалын 100, 90 жилийн их ойнууд энэ цаг мөчид тохион учирч байгаа нь гүн билэгдэлтэй, нэн бахархууштай юм.

Эрх чөлөөт, эх түүхт тусгаар Монгол түмний өндөр өвөг дээдсээсээ уламжлан наадаж ирсэн их баяр цэнгэл эхэлж байна.

Эгэлгүй сайхан өнтэй зун, их түүхт ойнууд ижилссэн ард түмний маань бүтэн жил хүлээсэн Үндэсний их баяр наадмын сүр жавхлан төгөлдөр ёслолыг ийнхүү эхлүүлж байгааг өндөр төрийн их цагаан сүлд заларсан энэ хүндэт хоймроос даяар олноо тунхаглан зарлаж байна.

Сайхан наадаарай.

Монгол наадам-Монгол бахархал

2011-07-14T12:12:00.002+08:00

Vндэсний их баяр наадам, Их Монгол улс байгуулагдсаны 805 жилийн ой, Тусгаар тогтнолоо сэргээсний 100, Ардын хувьсгалын 90 жилийн ойн баяр наадмын ажиллагаа албан ёсоор өндөрлөлөө.

Нар хур тэгширсэн баяр наадам сайхан болж өнгөрлөө. Бөхчvvд нь уран мэхтэй, аргамаг хvлгvvд нь хурдан, харваачид нь онч мэргэн байсан дэлхийд ганц Монгол наадам минь дараа жил хvртэл хуучлах сонинтой, дурсах тvvхтэй боллоо.

Энэ жилийн наадмаар хvчит бөхийн барилдаанаас 13 начин, 4 харцага, 2 заан, 2 гарьд, болон арслан, аварга шинээр мэндэллээ. Мөн хоёр улсын мэргэн төрсөн юм. Наадамчин олон та бvхэнд эрийн гурван наадмын нэгтгэсэн дvнг хvргэе.

Эрийн гурван наадмын хvчит бєхийн барилдааны дvн
Yндэсний их баяр наадам, Их Монгол улс байгуулагдсаны 805 жилийн ой, Тусгаар тогтнолоо сэргээсний 100, Ардын хувьсгалын 90 жилийн ойн баяр наадамд нийт 1024 бөх уран мэх, хvч бяраа сорин Төв цэнгэлдэхийн зvлэг ногоон дэвжээнээ хоёр өдөр барилдлаа.

Ингээд Увс аймгийн Баруунтуруун сумын харъяат, Хилчин спорт хорооны бөх улсын арслан С.Мөнхбат тvрvvлж, Сэлэнгэ аймгийн Мандал сумын харъяат улсын арслан Г.Эрхэмбаяр vзvvрлэлээ.

Шинээр төрсөн начин цолтнууд:

1.Увс аймгийн Хяргас сумын харъяат аймгийн арслан С.Батсуурь
2.Ховд аймгийн харьяат, аймгийн арслан Ч.Цогбаяр
3.Говь-алтай Бигэр сумын харъяат аймгийн арслан С.Багахvv
4.Өмнөговь аймгийн Булган сумын харъяат аймгийн арслан Б.Сумъяа,
5.Баянхонгор Бууцагаан сумын харъяат аймгийн арслан Ж.Чулуунбат,
6.Архангай аймгийн Чулуут сумын харъяат аймгийн арслан Б.Амарзаяа
7.Хөвсгөл аймгийн харъяат аймгийн арслан М.Эрдэнэбат
8.Завхан аймгийн Идэр сумын харъяат аймгийн арслан Ш.Жаргалсайхан
9.Хөвсгөл аймгийн харъяат аймгийн арслан А.Батмөнх
10.Өвөрхангай аймгийн Тарагт сумын харъяат аймгийн арслан Сангисvрэн
11.Төв аймгийн харъяат аймгийн арслан Б.Батмөнх
12.Завхан аймгийн Их-Уул сумын харъяат аймгийн арслан Гончигдамба
13.Өмнөговь аймгийн харъяат аймгийн арслан Одбаяр

Шинээр төрсөн харцага цолтнууд:

1.Дорноговь Эрдэнэ сумын харъяат Улсын начин А.Цацабшир
2.Сэлэнгэ аймгийн Орхонтуул сумын харъяат Монгол Улсын өсөх идэр начин Т.Өсөх-Ирээдvй
3.Хөвсгөл аймгийн Тосонцэнгэл сумын уугуул улсын начин Ц.Содномдорж
4.Ховд аймгийн харъяат аймгийн арслан Г.Алтангэрэл

Шинээр төрсөн заан цолтнууд:
Булган аймгийн Бvрэгхангай сумын харъяат улсын харцага Д.Баасандорж
Архангай аймгийн Хашаат сумын харъяат цэргийн хурц арслан Ч.Санжаадамба

Шинээр төрсөн гарьд цолтнууд:

Говь-Алтай аймгийн харъяат улсын начин Ж.Бат-Эрдэнэ
Завхан аймгийн Нөмрөг сумын харъяат улсын заан М.Баяржавхлан

Шинээр төрсөн арслан цолтон:

Сэлэнгэ аймгийн Мандал сумын харъяат улсын начин Г.Эрхэмбаяр

Шинээр төрсөн аварга цолтон:

Увс аймгийн Баруунтуруун сумын харъяат, улсын харцага цол С.Мөнхбат

Эрийн гурван наадмын хурдан морины уралдааны дvн:

Хязаалан нас: Тvрvv магнай: Увс аймгийн Зvvнговь сумын уугуул Б.Далай уяачийн халтар vрээ.

Аман хvзvvнд Өвөрхангай аймгийн Богд сумын Д.Одгэрэл уяачийн хvрэн vрээ

Айргийн гуравт Ховд аймгийн Дарви сумын уугуул МУМУ Б.Мөнхтөрийн зээр буурал vрээ

Айргийн дөрөвт, Говь-Алтай аймгийн Халиун сумын уугуул С.Ганболд уяачийн хонгор vрээ

Айргийн тавд Төв аймгийн Баянцагаан сумын М.Энхсайханы уясан цавьдар vрээ

Шvдлэн: Тvрvv магнай: Ховд аймгийн Мөнх-хайрхан сумын уугуул Ш.Адьшаагийн хонгор vрээ тvрvvллээ.

Аман хvзvv: Өвөрхангай аймгийн Баянгол сумын харьяат Ц.Болдын шарга vрээ аман хvзvvдэв.

Айргийн гуравт, Төв аймгийн Батсvмбэр сумын уугуул Лувсанбалдангийн зээрд,

Айргийн дөрөвт Завхан аймгийн Дөрвөлжин сумын уугуул Д.Баяраагийн зээрд,

Айргийн тавд Өвөрхангай аймгийн Уянга сумын уугуул Даваадоржийн хар vрээ тус тус хурдаллаа.

Азарга: Тvрvv магнай: Сvхбаатар аймгийн Тvмэнцогт сумын ААУяач Ө.Шинэтулгын уясан Хvсэлзулын зээрд.

Аман хvзvv: Дундговь аймгийн Өлзийт сумын ААУяач Б.Наранхvvгийн хээр.

Айргийн гурав: Сvхбаатар аймгийн Дарьганга сумын МУАУяач Ч.Улааны зээрд

Айргийн дөрөв: Төв аймгийн Өндөрширээт сумын уугуул Нийслэлийн ХУД-ийн уяач А.Отгонбаярын хилэн хар.

Айргийн тав: Төв аймгийн Баян сумын МУМУяач Д.Оюунбилэгийн уясан Баян сумын уяач Х.Цогтсайханы сvмбэн зээрд.

Их нас: Тvрvv магнай: Дундговь аймгийн Эрдэнэдалай сумын уяач Б.Өнөрбаянгийн хээр

Аман хvзvv: Төв аймгийн Сэргэлэн сумын уяач Агваансамдангийн Төгсбатын бор,

Айргийн гуравт, Төв аймгийн Баян-Өнжvvл сумын уугуул Чойдогийн Батбадрахын зээрд халзан,

Айргийн дөрөвт, Өвөрхангай аймгийн Уянга сумын уяач Н.Бямбасvрэнгийн хээр,

Айргийн тавд, Төв аймгийн Баянцогт сумын МУ-ын Тод манлай уяач С.Ганхуягийн бор тус тус хурдаллаа.

Соёолон: Тvрvv магнай: Өвөрхангай аймгийн Өлзийт сумын уяач Н.Ижилбаярын хар бор vрээ.

Аман хvзvv: Өвөрхангай аймгийн Сант сумын Сэрсэнгийн Ганболдын зээрд vрээ

Айргийн гуравт, Говь-Алтай аймгийн Баян-Уул сумын уяач М.Ганболдын хул vрээ

Дөрөвт, Ховд аймгийн Алтай сумын уяач Торгоны зам хувьцаат компанийн Ц.Гантөмөрийн хvрэн

Айргийн тавд Буяннэмэхийн хонгор vрээ

Даага: Тvрvv магнай: Архангай аймгийн Ихтамир сумын харъяат залуу уяач Ганзоригийн Тэмvvлэнгийн өсгийн цагаан халтар даага

Аман хvзvv: Булган аймгийн Гурванбулаг сумын харъяат МУАУ Дамбын Хишигжаргалын шарга даага хурдаллаа.

Айргийн гуравт Сvхбаатар аймгийн Онгон сумын харъяат Ц.Октябрын зээрд даага,

Айргийн дөрөвт Дорнод аймгийн Баян-Уул сумын харъяат Э.Энхтулгын хvрэн даага,

Айргийн тавд О.Амарсайханы зээрд тус тус хурдалжээ.

Эрийн гурван наадмын сур харвааны дvн:

Сур харвааны эмэгтэйчvvдийн төрөлд:

Төв аймгийн харъяат Хэнтий аймгийн Дадал сумын уугуул, спортын мастер Оюунчимэг тэргvvлж баяр наадмын манлай, улсын мэргэн цолтон боллоо. Хоёрт, Завхан аймгийн Тvдэвтэй сумын уугуул Монгол улсын хошой мэргэн Д.Эрдэнэтуяа удаалжээ. Гуравт, Өмнөговь аймгийн Ханхонгор сумын уугуул залуу харваач Чинзvрх орсон байна.

Эрэгтэй харваан төрөлд:

Завхан аймгийн Дөрвөлжин сумын харъяат Хангарьд спорт хорооны тамирчин Б.Ёндон 40 сумнаас 38 онож тvрvvлснээр Улсын мэргэн цолоор шагнуулсан байна. Хоёрт, Баян-Өлгий аймгийн уугуул Алдарт спорт хорооны тамирчин улсын мэргэн Ө.Баярсайхан оржээ. Гуравт, Монгол улсын хошой мэргэн Баасанхvv шалгарчээ.

Ийнхvv нартай, хуртай наадамласан Монгол наадам сайхан болж өндөрлөлөө. Бөхчvvд нь бяртай, харваачид нь цэц мэргэн, морьд нь хурдан байж наадамчин олноо баясгалаа. Дэнж хотойтол наадамласан дэлхийд ганц Монгол наадам хvvхэд залуустаа өв соёл ур ухаанаа сургаж, хөгшид буурлуудынхаа магнайг тэнийлгэж, сэтгэлийг баярлууллаа.

www.olloo.mn

Төрийн далбаа маань стандарттай болов

2011-07-09T09:57:00.001+08:00

Стандартчилал, хэмжил зүйн газар нь Төрийн далбааны стандартыг батлан гаргалаа. Стандартыг та бүхэнд бүрэн эхээр нь толилуулж байна.

Ангилалтын код:03.160

Монгол Улсын Төрийн далбаа. Ерөнхий шаардлага ( Mongolian State Flag. General requirements ) MNS 6262: 2011

Энэхүү стандарт нь 2012 оны 02 дугаар сарын 22 -ны өдрөөс эхлэн хүчинтэй.

1 Зорилго

Энэ стандартаар төрийн далбааны үндсэн хэмжээ, өнгө, соёмбоны хэмжээ, далбааны нэхмэл эдэд тавих шаардлагыг тогтооно.

2 Хамрах ба хэрэглэх хүрээ

2.1 Энэхүү стандарт нь төрийн далбааг “Монгол Улсын Үндсэн хууль”, “Төрийн бэлгэ тэмдгийн тухай” хуульд заасны дагуу бүх ард түмний баяр наадам, ёслол, хүндэтгэлийн арга хэмжээ болон бусад үед мандуулах, байрлуулах, төрийн ёслол хүндэтгэлийн бүхий л арга хэмжээний үед дээдлэн хэрэглэх, энгэрийн болон дурсгалын тэмдэг, зурагт хуудас, шошго бусад зүйл дээр дүрслэх, бэлэг, дурсгалын зориулалтаар үйлдэхэд (оёх, зурах, сийлэх, хэвлэх, хатгах, наах, цоолборлох, барлах)хамаарна.

2.2 Стандартын 2.1-д заасан зориулалтаар төрийн далбааг үйлдэх, дүрслэх (оёх, зурах, сийлэх, хэвлэх,хатгах, наах, цоолборлох, барлах)-д иргэд, аж ахуйн нэгж, байгууллага энэхүү стандартыг заавал дагаж мөрдөнө.

3 Норматив ишлэл

Энэ стандартад ишлэл хийсэн дараах стандарт, баримт бичиг, тэдгээрт өөрчлөлт орсон тохиолдолд хамгийн сүүлчийн албан ёсны хэвлэлээс иш татаж хэрэглэнэ.

Монгол Улсын Үндсэн хууль Төрийн бэлгэ тэмдгийн тухай хууль MNS 1-1 Монгол Улсын стандартчиллын тогтолцоо. 1-р хэсэг: Техникийн ажлын журам MNS 1-2 Монгол Улсын стандартчиллын тогтолцоо. 2-р хэсэг: Стандартын бүтэц ба боловсруулах дүрэм ГОСТ Р 51130 ОХУ-ын далбаа. Ерөнхий техникийн нөхцөл ГОСТ Р 30470 Тусгаар Улсуудын Хамтын ажиллагааны далбаа. Техникийн нөхцөл MNS 1835-2 Нэхмэл бүтээгдэхүүн. 1м2-ын жин тодорхойлох арга MNS 1835-3 Нэхмэл бүтээгдэхүүн. Зузаан тодорхойлох арга MNS 4010 Нэхмэл. Ширхэгтийн бүрэлдэхүүн тодорхойлох арга MNS 1835-5 Нэхмэл бүтээгдэхүүн. Тасрах үеийн даац, суналт тодорхойлох арга MNS 1835-8 Нэхмэл бүтээгдэхүүн. Норгосны дараах хэмжээний өөрчлөлт тодорхойлох арга MNS 4072 Нэхмэл материал. Будгийн тогтворыг угаалтанд тодорхойлох арга MNS 4070 Нэхмэл материал. Будгийн тогтворыг хуурай, нойтон байдал үрэлтэнд тодорхойлох арга MNS 4073 Нэхмэл материал. Будгийн тогтворыг хими цэвэрлэгээнд тодорхойлох арга ASTM D 6613-08 Нэхмэл бүтээгдэхүүн. Ерөнхий шаардлага Олон Улсын Өнгөний нийгэмлэгээс гаргасан өнгөний ангилал

The international Association of Colour (IAC)

4 Нэр томьёо тодорхойлолт

4.1 Өнгөний загвар (CMYK)– Үндсэн өнгөний нийлбэрийн бүдүүвч

C– cyan (aqua) – усан өнгө

M– magenta(pink) – ягаан өнгө

Y – yellow – шар өнгө

K – black – хар өнгө

5 Төрийн далбаанд тавих ерөнхий шаардлага

5.1 Далбааны өнгөнд тавих шаардлага

5.1.1 Төрийн далбааны харагдах байдал нь 1 дүгээр зурагтай нийцсэн байна.

5.1.2 Төрийн далбаа нь улаан, хөх, улаан хосолсон өнгөтэй байна.

5.1.3 Далбааны гурав хуваасны нэгийн хэмжээтэй дундах хэсэг нь (C 100%, M 60%, Y 000%, K 000%) -ийн хөх өнгөтэй байна.

5.1.4 Далбааны гурав хуваасны нэгийн хэмжээтэй хоёр талын хэсэг нь (C 010 %, M 100%, Y 090%, K 000%) -ийн улаан өнгөтэй байна.

5.1.5 Далбааны ишин талын улаан дэвсгэрийн төв хэсэгт байрлах соёмбо нь (C 000%, M 015%, Y 000%, K 000%) -ийн алтан шар өнгөтэй байна.

1-р зураг. Төрийн далбааны харагдах байдал

5.2 Далбааны хэмжээнд тавих шаардлага

5.2.1 Төрийн далбааг үйлдэх, дүрслэхдээ түүний хэмжээнээс үл хамааран Үндсэн хуульд хавсаргасан эх загварт заасан тэг, өргөн, уртын 1: 2-ын харьцааг чанд баримтална.

5.2.1 Төрийн далбааг батлагдсан тэгийн дагуу 1:2-ын харьцааг баримтлан хэрэглэгчийн эрэлт хэрэгцээнд нийцүүлэн, дурын хэмжээгээр үйлдвэрлэнэ.

5.2.2 Төрийн далбааг үйлдэхдээ 2дугаар зурагт заасан хэмжээсийг баримтална.

2-р зураг Төрийн далбааны үндсэн хэмжээ

Тайлбар: Зурагт үзүүлсэн А нь уртын хэмжээний дурын тоо.

А - г дурын тоогоор авч дүрсийн хэмжээг томруулж, жижгэрүүлэх боломжтой.

Жишээ нь: А-г 1 см-ээр авсан тохиолдолд 3А нь 3 см, 1,5А нь 1,5 см-тэй тэнцүү гэх мэт.

Тайлбар: Далбааны бүч, ишинд бэхлэх хэмжээг далбааны үндсэн хэмжээнд тооцохгүй.

5.3 Соёмбонд тавих шаардлага

5.3.1 Далбаан дээр соёмбыг байрлуулахдаа 3-р зурагт заасан хэмжээсийг баримтална.

3-р зураг. Далбаан дээр байрлах соёмбоны байгуулалт

Тайлбар: Зурагт үзүүлсэн а нь уртын хэмжээний дурын тоо. а - г дурын тоогоор авч дүрсийн хэмжээг томруулж, жижгэрүүлэх боломжтой.

Жишээ нь: а-г 1 см-ээр авсан тохиолдолд 3 а нь 3 см, 1,5 а нь 1,5 см-тэй тэнцүү г.м.

5.3.2 Соёмбоны дөлийг 4 дүгээр зурагт заасны дагуу байрлуулна.

4-р зураг. Соёмбоны дөлний байгуулалт

Жишээ нь: а-г 1 см-ээр авсан тохиолдолд 0,5 а нь 0,5 см, 2,5 а нь 2,5 см, 5 а нь 5 см-тэй тэнцүү гэх мэт.

5.3.3 Соёмбоны нар, сарыг 5 дугаар зурагт заасны дагуу байрлуулна.

5-р зураг Соёмбоны нар, сарны байгуулалт

Жишээ нь: а-г 1 см-ээр авсан тохиолдолд 1,5 а нь 1,5 см, 4 а нь 4 см, 6 а нь 6 см-тэй тэнцүү гэх мэт.

5.3.4 Соёмбоны гурвалжин, тэгш өнцөгтийг 6 дугаар зурагт заасны дагуу байрлуулна.

6-р зураг. Соёмбоны гурвалжин болон тэгш өнцөгтийнбайгуулалт

Жишээ нь: а-г 1см-ээр авсан тохиолдолд 2 а нь 2 см, 3 а нь 3 см-тэй тэнцүү гэх мэт.

5.3.5 Соёмбоны зөрсөн 2 загасыг 7 дугаар зурагт заасны дагуу байрлуулна.

7-р зураг. Соёмбоны зөрсөн 2 загасны байгуулалт

Жишээ нь: а-г 1см-ээр авсан тохиолдолд 0,6 а нь 0,6 см, 2,35 а нь 2,35 см-тэй тэнцүү гэх мэт.

5.3.5 Соёмбоны баганыг 8 дугаар зурагт заасны дагуу байрлуулна.

8-р зураг. Соёмбоны баганын байгуулалт

5.4 Далбааны эд, түүнд тавих шаардлага

5.4.1 Төрийн далбааг ASTM D 6613-08стандартын шаардлага хангасан хөвөн цаасан, нийлэг, холимог, торгон, полиэстр болон бусад эдээр хийнэ.

5.4.2 Төрийн далбааг үйлдэхдээ оёх, зурах, сийлэх, хэвлэх, хатгах, наах, цоолборлох, барлах зэрэг төрөл бүрийн хувилбараар технологийн янз бүрийн аргыг хэрэглэнэ.

5.4.3 ASTM D 6613-08стандартын шаардлага хангасан нэхмэл эдээр хийсэнтөрийн далбааны гадна орчинд байх эдэлгээний хугацаа 90 хоног байна.

6 Нэхмэл эдийг шалгах арга

6.1 Төрийн далбааны нэхмэл эдийг дараах стандартын дагуу шалгана. Үүнд:

MNS 1835-2 Нэхмэл бүтээгдэхүүн. 1м2-ын жин тодорхойлох арга MNS 1835-3 Нэхмэл бүтээгдэхүүн. Зузаан тодорхойлох арга MNS 4010 Нэхмэл. Ширхэгтийн бүрэлдэхүүн тодорхойлох арга MNS 1835-5 Нэхмэл бүтээгдэхүүн. Тасрах үеийн даац, суналт тодорхойлох арга MNS 1835-8 Нэхмэл бүтээгдэхүүн. Норгосны дараах хэмжээний өөрчлөлт тодорхойлох арга MNS 4072 Нэхмэл материал. Будгийн тогтворыг угаалтанд тодорхойлох арга MNS 4070 Нэхмэл материал. Будгийн тогтворыг хуурай, нойтон байдал үрэлтэнд тодорхойлох арга MNS 4073 Нэхмэл материал. Будгийн тогтворыг хими цэвэрлэгээнд тодорхойлох арга

ТӨГСӨВ.

Монгол-Оросын хамтарсан мэдэгдэл

2011-06-02T17:50:00.001+08:00

Монгол Улсын Ерөнхийлөгч Ц.Элбэгдорж Оросын Холбооны Улсын Ерөнхийлөгч Д.А.Медведевийн урилгаар 2011 оны тавдугаар сарын 31-нээс зургадугаар сарын 3-ны өдрүүдэд Оросын Холбооны Улсад албан ёсоор айлчлав. Ц.Элбэгдорж, Д.А.Медведев нар 2011 оны тавдугаар сарын 31-ний өдөр Москвад ганцаарчилан уулзаж, өргөтгөсөн хэлэлцээ хийв. Ц.Элбэгдорж Оросын Холбооны Улсын Засгийн газрын дарга В.В.Путин, Оросын Холбооны Улсын Холбооны Хурлын Төрийн Думийн дарга Б.В.Грызлов, Оросын Холбооны Улсын Холбооны Хурлын Холбооны Зөвлөлийн нэгдүгээр орлогч дарга А.П.Торшин нартай уулзав.

Ц.Элбэгдорж мөн Санкт-Петербург, Элстэй хотуудад зочиллоо.

Монгол Улсын Ерөнхийлөгч Монголын үндэсний эрх чөлөөний хувьсгалын 100 жил, Монгол Улс, Орос Улсын хооронд дипломат харилцаа тогтоосны 90 жилийн ойн жил Оросын Холбооны Улсад айлчлал хийсэн нь Монгол, Оросын найрамдал, хамтын ажиллагааны залгамж чанар, тэдгээрийн өнгөрсөн болон өнөөгийн уялдаа холбоог тодруулж өглөө. Ц.Элбэгдорж, Д.А.Медведев нар 2009 оны наймдугаар сард Улаанбаатар хотноо дээд хэмжээнд хийсэн өмнөх уулзалтаасаа хойшхи хоёр талын хамтын ажиллагааны явцыг олон арван жилийн хугацаанд уламжлал болон тогтсон Монгол-Оросын сайн хөршийн харилцаа, харилцан ойлголцол, итгэлцлийн үзэл санааны дагуу нягтлан хэлэлцэж, олон улсын болон бүс нутгийн зарим асуудлаар санал солилцов.

Хоёр улсын төрийн тэргүүн нар 2009 оны наймдугаар сарын 25-ны өдөр тэдний гарын үсэг зурсан Монгол Улс, Оросын Холбооны Улсын хооронд стратегийн түншлэл хөгжүүлэх тухай тунхаглалыг амьдралд хэрэгжүүлэх талаар идэвхтэй хамтран ажиллаж дорвитой, нааштай үр дүнд хүрснийг сэтгэл ханамжтай тэмдэглэв. Энэ Тунхаглал цаашид ч Монгол-Оросын харилцааг цогцод нь хөгжүүлэхэд чиглүүлэгч, зохион байгуулагч үүрэг гүйцэтгэнэ гэдэгт хоёр тал итгэл төгс байгаагаа илэрхийлэв.

Монгол Улс, Оросын Холбооны Улс нь улс төрийн яриа хэлцээг эрчимтэй, тогтмол явуулж, энэ хүрээнд хоёр улсын төрийн болон Засгийн газрын тэргүүн, парламент, аюулгүй байдлын зөвлөл, яам, газар, улс төрийн нам, аж ахуйн болон олон нийтийн байгууллага, бүс нутгийн удирдлагуудын биечилсэн уулзалт хийж ирэв. Ерөнхийлөгч нар манай орнуудын болон Ази тив, дэлхий дахины өмнө нээгдэж байгаа шинэ боломж, тулгаран гарч ирж буй аюул занал, сорилтуудын бүхий л цар хүрээнд ойлголцол, хамтын ажиллагааг бэхжүүлэхийн тулд хоёр талын харилцан ажиллагааны янз бүрийн чиглэлээр айлчлал, солилцооны өндөр түвшинг цаашид ч хадгалах болон батлан хамгаалах чадвар, аюулгүй байдлаа бэхжүүлэхэд бие биедээ туслалцаа үзүүлж байхаар тохиролцов.

Ц.Элбэгдорж, Д.А.Медведев нар энэ оны гурав, дөрөвдүгээр сард Монгол-Оросын багийн сансрын нислэгийн 30 жил, жолоодлогот сансар судлалын 50 жилийн ойн баярыг хамтран зохион байгуулсныг чухалчлан тэмдэглээд, энэ оны арваннэгдүгээр сард тохиох Монгол Улс, Орос Улсын хооронд дипломат харилцаа тогтоосны 90 жилийн ойд зориулсан цогц арга хэмжээ төлөвлөн хэрэгжүүлэхийг Засгийн газрууддаа даалгах болов.

Хоёр талын бараа эргэлтийн хэмжээ түргэн сэргэж, хямралын өмнөх түвшинд хүрснийг Ерөнхийлөгч нар өндрөөр үнэллээ. Энэ нь хоёр орны эрчимтэй хөгжиж байгаа эдийн засаг ихээхэн хүч чадавхитай болохыг, хоёр тал тогтвортой, уламжлалт харилцаандаа тулгуурлан энэхүү чадавхийг бүх талаар тууштай хөгжүүлэхээр эрмэлзэлтэй байгааг нотлон харуулж байна гэж үзэв.

Хоёр улсын төрийн тэргүүн нар монгол-оросын харилцан ажиллагааны тодорхой төслүүдийг хэрэгжүүлэхэд Монгол-Оросын Засгийн газар хоорондын худалдаа-эдийн засаг, шинжлэх ухаан-техникийн хамтын ажиллагааны комисс ихээхэн үүрэг гүйцэтгэж байгааг цохон тэмдэглэв. Монгол-Оросын худалдаа-эдийн засгийн хамтын ажиллагааг 2011-2015 онд хөгжүүлэх хөтөлбөр, бусад гол баримт бичгүүдийг энэхүү комиссын ивээл дор амжилттай боловсруулж, хэрэгжүүлж байгаа билээ.

Талууд ЕвроАзийн Эдийн засгийн хамтын нийгэмлэгийн хүрээн дэх Гаалийн холбооны гишүүн орнууд болон Монгол Улсын хооронд чөлөөт худалдааны тухай хэлэлцээр байгуулах асуудлаар хамтарсан судалгааны хэсэг байгуулах тохиролцоонд хүрснийг сэтгэл ханамжтай хүлээн авлаа. Энэхүү хэлэлцээрийг байгуулах нь хоёр талын худалдааны хэмжээг нэмэгдүүлэх, түүний тэнцвэржилтийг илүү хангах, эдийн засгийн бусад салбарт улам нягт хамтран ажиллахад тус дөхөм болно гэж Монгол Улс, Оросын Холбооны Улс үзэж байна.

2010 оны арваннэгдүгээр сард Монгол-Оросын ба Орос-Монголын ажил хэргийн зөвлөлүүд байгуулагдсаныг Ц.Элбэгдорж, Д.А.Медведев нар сайшаав. Хоёр орны худалдаа, аж үйлдвэрийн танхим, ажил хэргийн зөвлөл болон бизнес эрхлэгчдийн бусад байгууллагын боломжийг ашиглах нь ажил хэргийн хүрээнд төлөөлөгчдийн солилцоог өргөтгөх, жижиг, дунд үйлдвэрлэл, бизнес эрхлэгчдийг хоёр талын харилцаанд татан оруулах, хоёр оронд болж байгаа үзэсгэлэн-яармагийн арга хэмжээ, семинар, симпозиумд Монгол, Оросын компаниудыг оролцуулах, хэтийн ирээдүйтэй түншлэлийн чиглэлийг тодруулах, хамтарсан төслүүдийг хэрэгжүүлэх зэргээр худалдаа-эдийн засгийн хамтын ажиллагааг хөгжүүлэх нэмэлт хүчин зүйл болохыг тэмдэглэв.

Хил орчмын болон бүс нутаг хоорондын хэлхээ холбоо нь монгол-оросын харилцаанд жинтэй үүрэг гүйцэтгэсээр байгааг Ерөнхийлөгч нар тэмдэглэв. Хоёр талын бараа эргэлтийн 70 хувь, соёл-хүмүүнлэгийн солилцоо, хүмүүс хоорондын харилцааны тэн хагасаас илүү нь энэхүү харилцаанд ногдож байна. Москва хотноо 2010 оны арванхоёрдугаар сард гарын үсэг зурсан Монгол Улс, Оросын Холбооны Улсын бүс нутаг, хил орчмын хамтын ажиллагааг 2011-2012 онд эрчимжүүлэхэд нэн тааламжтай эрх зүй, худалдаа-эдийн засгийн болон бусад нөхцлийг бүрдүүлэх арга хэмжээний төлөвлөгөөний хүрээн дэх бүс нутаг хоорондын хамтын ажиллагаа нь хоёр талын түншлэлд шинэ түлхэц өгнө гэдэгт итгэлтэй байгаагаа илэрхийлэв.

Монголын шилжих рублийн өрийн асуудлыг 2010 оны арванхоёрдугаар сард эцэслэн зохицуулсан нь харилцан ашигтай төслүүдийг улсын шугамаар зээлжүүлэн, санхүүгийн хүрээнд чанарын шинэ хамтын ажиллагааны боломжийг нээж буйг Ц.Элбэгдорж, Д.А.Медведев нар цохон тэмдэглэв.

Талууд худалдаа-эдийн засгийн харилцан ажиллагааныхаа дэд бүтэц, механизмыг сайжруулахад шаардлагатай алхам хийж, өөрийн нутаг дэвсгэрт ажил хэрэгч уур амьсгал, хөрөнгө оруулалтын орчныг боловсронгуй болгох, хоёр талын худалдаанд байгаа асуудал, түүний дотор гуравдагч орны зах зээлд бүтээгдэхүүнээ гаргахад дэмжлэг үзүүлэх асуудлыг харилцан ашигтай байх зарчимд тулгуурлан үр бүтээлтэй шийдвэрлэхийг зорьж байгаагаа илэрхийлэв.

Монгол-Оросын худалдааны нөхцөлийг цаашид сайжруулахад тус нэмэр болно гэж үзэж Оросын Холбооны Улсыг Дэлхийн худалдааны байгууллагад даруй элсүүлэхийг дэмжиж байгаагаа Монгол Улс дахин мэдэгдэв. Хоёр орны Төрийн тэргүүн нар Монгол-Оросын хөрөнгө оруулалтын хамтын ажиллагааны зарим томоохон төсөл, түүний дотор Дорнодын бүс дэх ураны хүдрийн геологи хайгуул, олборлох, боловсруулах ажилд оросын корпорациудыг оролцуулах асуудалд ихээхэн анхаарал хандуулав.
Талууд Монголын төмөр замын дэд бүтцийг байгуулах, шинэчлэх, Монгол-Оросын хувь нийлүүлсэн “Улаанбаатар төмөр зам” нийгэмлэгийг санхүүгийн хувьд бэхжүүлэн шинэтгэх, улмаар Монгол-Оросын төмөр замын салбарын хамтын ажиллагааг бүхэлд нь сайжруулах, түүний дотор Монголын баялгийн шинэ нөөцийг ашиглах, шинэ төмөр зам тавихтай холбоотой асуудлыг хамтарсан төслүүдийн хүрээнд нягт уялдаатай шийдвэрлэхийг зорьж байгаагаа мэдэгдэв.

Монгол Улс газрын тосны бүтээгдэхүүний хэрэгцээгээ үндсэнд нь Оросын Холбооны Улсаас импортоор хангаж буйг харгалзан түүний нийлүүлэлтийн тогтвортой байдлыг хангах боломжтой арга замыг судалж үзэхийг холбогдох байгууллагуудад үүрэг болгохоор Талууд тохиролцов.

Шүлхий болон малын бусад өвчнөөс урьдчилан сэргийлэх вакцинжуулалтын 22 цэгийг Монгол Улсад зохион байгуулах бэлтгэл арга хэмжээ дууссан тухайгаа Оросын Тал мэдээлэв. Оросын Холбооны Улсад бүтээгдэхүүн нийлүүлэх үүднээс мах боловсруулах үйлдвэрүүдийн аттестатчлалыг Монгол Улсын нутаг дэвсгэрт Оросын хөдөө аж ахуйн хяналтын алба (Россельхознадзор) зохион байгуулахад чиглэсэн хамтын ажиллагааг үргэлжлүүлэхээ Талууд мэдэгдэв.

Хүрээлэн буй орчныг хамгаалах салбарын хамтын ажиллагааг Талууд нааштай үнэлэв. Ц.Элбэгдоржийн айлчлалын үеэр “Увс нуурын хотгор” хил дамнасан дархан газар байгуулах тухай засгийн газар хоорондын хэлэлцээрт гарын үсэг зурсан нь энэхүү хамтын ажиллагааг хөгжүүлэхэд чухал алхам болов.

Үйлдвэрлэлийн осол, байгалийн гамшгаас урьдчилан сэргийлэх, тэдгээрийн үр дагаврыг арилгах талаар хамтран ажиллах тухай хоёр талын засгийн газар хоорондын 1995 оны хэлэлцээрийн хүрээнд харилцан ажиллагаа өргөжсөөр байгааг Талууд тэмдэглэв. Ой, хээрийн том хэмжээний түймрийн үед Монголын Тал хүсэлт гаргасан тохиолдолд Орос Улсын ОБЯ-ны нисэх хүчнийг ашиглан түймрийг унтраахад тусламж үзүүлэхэд бэлэн байгаагаа Оросын Тал илэрхийлэв.
Монгол-Оросын улсын хил дээрх шалган нэвтрүүлэх боомтуудын үр ашигтай ажиллагааг хангах зорилгоор эдийн засаг, нийгмийн ач холбогдол бүхий боомтуудыг хөгжүүлэхэд хүчин чармайлтаа төвлөрүүлэхийг хоёр орны эрх бүхий байгууллагуудад үүрэг болгохоор Ерөнхийлөгч нар тохиролцов. Үүний тулд Засгийн газар хоорондын холбогдох шинэ хэлэлцээрүүдийг боловсруулж, байгуулах нь зүйтэй гэж үзэв.

Монгол Улс, Оросын Холбооны Улс нэг Талын нутаг дэвсгэр дээрх нөгөө Талын үл хөдлөх эд хөрөнгө, түүний дотор газартай холбоотой асуудлыг зохицуулах ажлыг идэвхжүүлэхийг зорих болно. Ц.Элбэгдорж Д.А.Медведев нар юуны өмнө Талуудын нутаг дэвсгэр дээр цэргийн хамтарсан хээрийн сургууль хийж, монголын цэргийн албан хаагч болон кадетуудыг Оросын Холбооны Улсын тухайн чиглэлийн сургуулиудад суралцуулж, давтан сургаж, оросын үйлдвэрийн орчин үеийн зэвсэглэл, цэргийн техникийг Монголд нийлүүлж, цэрэг-техникийн хамтын ажиллагааг чанарын шинэ түвшинд гаргахад шаардагдах баримт бичгүүдийг боловсруулах зэрэг чиглэлээр хөгжүүлж байгаа хоёр орны цэргийн болон цэрэг-техникийн хамтын ажиллагаанд өндөр үнэлэлт өгөв. Энэ ажил цаашид ч үргэлжлэх болно.

Соёлын салбар дахь олон жилийн хэлхээ холбоо нь хоёр орны ард түмний ойлголцол, найрсаг харилцааг цаашид бэхжүүлэх чухал хэрэглүүр болохыг Талууд тэмдэглэлээ. Ази-Номхон далайн бүс нутаг дахь оросын соёлын томоохон байгууллагуудын нэг болох Улаанбаатар дахь Оросын шинжлэх ухаан, соёлын төв (ОШУСТ)-ийн 35 жилийн ойг тэмдэглэхэд олон нийтийн зохих анхаарлыг хандуулахаар Ерөнхийлөгч нар тохиров.

Хоёр улсын Төрийн тэргүүн нар Монгол Улсад орос хэлийг өргөнөөр, тухайлбал ОШУСТ, “Оросын ертөнц” сангийн төвүүд, Оросын ерөнхий боловсролын сургуулиудын салбарт тулгуурлан сурах, түүнчлэн Орос Улсад амжилттай ажиллаж буй монгол судлалын үндэсний төвүүдэд тулгуурлан монгол хэл, соёлыг судлахыг тууштай хөхиүлэн дэмжихээ нотлов. Талууд монгол-орос хэлний их толь бичиг гаргахаар бэлтгэж буй ажлыг өндөр үнэлэв. Холбооны төсвөөс санхүүжүүлэн Оросын их дээд сургуульд тэтгэлэгтэй суралцуулах монгол оюутан, аспирант, судлаачдын тоог төлөвлөгөөтэйгээр нэмэгдүүлж байгаатай холбогдуулан Ц.Элбэгдорж Д.А.Медведевт чин сэтгэлийн талархал илэрхийлэв. Ийнхүү суралцагчдын тоо 2011-2012 оны хичээлийн жилд 230-аас 300 болж нэмэгдэх болно.

Монгол, Оросын Засгийн газар хоорондын худалдаа-эдийн засаг, шинжлэх ухаан-техникийн хамтын ажиллагааны комиссын хүрээнд боловсрол, шинжлэх ухааны салбарт хамтран ажиллах дэд комиссыг ойрын хугацаанд тусгайлан байгуулах нь энэ салбарын харилцан ажиллагааг чанарын шинэ түвшинд гаргах таатай нөхцөлийг бүрдүүлнэ хэмээн Талууд үзэв.

Ерөнхийлөгч нар Монгол, Оросын байгалийн болон нийгмийн шинжлэх ухааны салбарын хамтын ажиллагаа, түүний дотор нүүдэлчдийн түүх, соёлын өвийг судлах, хамгаалах ажлын чухлыг тэмдэглэв. Үүнтэй холбогдуулан Шинжлэх ухааны хамтын ажиллагааны тухай Монголын Шинжлэх ухааны академи, Оросын Шинжлэх ухааны академи хоорондын хэлэлцээрийн хүрээнд хийсэн ажлын үр дүнг Талууд сайшаав.

Хоёр улсын Төрийн тэргүүн нар олон улсын өнөөгийн нөхцөл байдлын голлох асуудлуудыг хэлэлцээд, олон улсын өвөрмөц нийтлэг бүтэц болох Нэгдсэн Үндэстний Байгууллага, түүний Аюулгүйн зөвлөл олон улсын эрх зүйн хэм хэмжээг сахиулах, даян дэлхийн болон бүс нутгийн энх тайван, аюулгүй байдлыг хангах, бүх улс орны эдийн засаг, нийгмийн хөгжлийн амин чухал нөхцлийг бүрдүүлэх зэрэгт орлуулашгүй үүрэгтэйг цохон тэмдэглэв. Монгол Улс, Оросын Холбооны Улс нь НҮБ, түүний төрөлжсөн байгууллагууд, тухайлбал Мянганы хөгжлийн 2015 хүртэлх зорилтуудыг хэрэгжүүлэх үйл ажиллагааны хүрээнд хоёр талын болон олон талт хамтын ажиллагааг цаашид ч өргөжүүлэн гүнзгийрүүлэхэд бэлэн байна.

Монгол Улс, Оросын Холбооны Улс нь шинэ сорилт, аюул заналхийлэл, тухайлбал олон улсын терроризм, хүний наймаа, мансууруулах болон сэтгэцэд нөлөөлөх бодисын хууль бус эргэлтийг цаашид ч хамтын хүчин чармайлтаар эсэргүүцэх болно.

Монголын Тал дэлхийн санхүү, эдийн засгийн тогтолцоог шинэтгэх үйл явцад “Хорийн бүлэг” чухал үүрэгтэйг тэмдэглээд, зах зээлийн эдийн засаг нь бүрдэж байгаа улс орнуудын болон хөгжиж буй орнуудын эрх ашгийг илэрхийлж байгааг Оросын Холбооны Улс болон БРИКС-ийн бусад оролцогч орны үйл ажиллагааг нааштай үнэлэв.

Бүс нутагтаа болон олон улсын талбарт Монгол Улсын явуулж байгаа улам бүр идэвх санаачлагатай бодлогыг Оросын Тал өндрөөр үнэлэв. Улаанбаатар болон Москва цаашид ч олон улсын харилцааны хүрээнд бие биедээ дэмжлэг туслалцаа үзүүлж, гадаад бодлогын асуудлаар тогтмол зөвлөлдөж, олон талт голлох байгууллага, чуулга уулзалтын хүрээнд хийх алхмаа уялдуулж байх болно.

Цөмийн зэвсэггүй статусынхаа баталгааг бэхжүүлэх талаар Монгол Улсын гаргасан саналыг Оросын Тал “цөмийн зэвсэгтэй тав”-ын бусад улстай хамт үргэлжлүүлэн судлахад бэлэн байгаагаа илэрхийлэв.

Шанхайн хамтын ажиллагааны байгууллага (ШХАБ) нь Төв Азийн аюулгүй байдлыг хангаж, олон талт хамтын ажиллагааг хөгжүүлэх үр нөлөөтэй хүчин зүйл болж, олон улсын харилцаанд бүрэлдэж буй олон төвт тогтолцооны нэгэн хэсэг болон төлөвшсөнийг тус байгууллагын 10 жилийн ойн жил Монгол Улс, Оросын Холбооны Улс сэтгэл ханамжтай тэмдэглэв. Монгол Улс ШХАБ-ын хүрээн дэх эдийн засгийн хамтын ажиллагаанд идэвхтэй оролцох, түүний дотор ШХАБ-ын Ажил хэргийн зөвлөлийн шугамаар хамтран ажиллах эрмэлзэл төгс байгааг Оросын Тал сайшаав.

Талууд Ази, Номхон далайн бүс нутагт энх тайван, тогтвортой байдлыг бэхжүүлэхийн чухлыг нотлов. 2010 оны есдүгээр сард Бээжин хотноо дэвшүүлсэн бөгөөд аюулгүй байдлын хуваагдашгүй зарчмыг бататгах, бүс нутгийн янз бүрийн улс орны эрх ашгийн тэнцвэрийг хангаж, аюулгүй, тогтвортой байдал, хөгжлийг хангах бүс нутгийн түншлэлийн бүтцүүдийн сүлжээг бий болгоход чиглэсэн орос, хятадын санаачлагын ач холбогдлыг Ерөнхийлөгч Ц.Элбэгдорж онцлон тэмдэглэв. Ази, Номхон далайн эдийн засгийн хамтын нийгэмлэгийн үйл ажиллагаанд оролцох Монгол Улсын эрмэлзлийг Оросын Тал тууштай дэмжиж байна.

Монголын Тал Европын аюулгүй байдал, хамтын ажиллагааны байгууллагад нэгдэн орох бодолтой байгаагаа Оросын Талд мэдээлэв. Оросын Тал Монголын энэ санаачлагыг анхааралтай авч үзэхэд бэлэн байгаагаа илэрхийлэв.

Солонгосын байдлыг улс төрийн аргаар зохицуулахаас өөр сонголтгүй бөгөөд Солонгосын хойгийн цөмийн асуудлыг шийдвэрлэх зургаан талт хэлэлцээг сэргээх нөхцлийг сонирхогч орнуудын зүгээс бүрдүүлэх шаардлагатай гэж үзэж байгаагаа Ерөнхийлөгч нар илэрхийлэв.

Монгол Улсын Ерөнхийлөгч, Оросын Холбооны Улсын Ерөнхийлөгч нар 2011 оны гуравдугаар сарын 11-ний өдөр болсон байгаль - техноген сүйрлийн үр дагаврыг даван туулахаар Япон Улс чармайж байгаа энэ хүнд үед Японы Засгийн газар, ард түмэнтэй эв санааны нэгдэлтэй байгаа илэрхийлж, тус оронд боломжтой бүхий л туслалцаа үзүүлэхэд бэлэн байгаагаа нотлов.

Транзит тээврийн салбарт хамтран ажиллах асуудлаар 2003 оны наймдугаар сард Алматы хотод болсон Далайд гарцгүй хөгжиж байгаа орон, хөгжиж буй транзит орон, донор орнуудын сайд нарын болон санхүүжилт, хөгжлийн асуудал эрхэлсэн олон улсын байгууллагын төлөөлөгчдийн олон улсын бага хурлаас баталсан Транзит тээврийг хөгжүүлэх иж арга хэмжээг хэрэгжүүлэх үйл ажиллагааны хөтөлбөрийг биелүүлэхэд шаардагдах алхмуудыг цаашид ч хийх болно гэдгээ Оросын Тал нотлов.

Монгол Улсын Ерөнхийлөгч Ц.Элбэгдорж Оросын Холбооны Улсад халуун дотноор хүлээн авсанд Оросын Холбооны Улсын Ерөнхийлөгч Д.А.Медведевт талархал илэрхийлээд түүнийг Монгол Улсад дахин айлчлахыг урив. Урилгыг талархан хүлээн авав.

МОНГОЛ УЛСЫН ЕРӨНХИЙЛӨГЧ Ц.ЭЛБЭГДОРЖ

ОРОСЫН ХОЛБООНЫ УЛСЫН ЕРӨНХИЙЛӨГЧ Д.А.МЕДВЕДЕВ

Москва хот, 2011 оны 5 дугаар сарын 31-ний өдөр

МЭДЭЭЛЛИЙН ТЕХНОЛОГИЙН ИНКУБАТОРТ ЭЛСЭЛТ АВНА

2011-03-22T12:50:00.001+08:00

Мэдээллийн технологийн үндэсний паркын инкубаторт мэдээллийн технологийн салбарт бизнес эхлэн эрхлэгч компаниудыг сонгон шалгаруулж элсүүлнэ.

Элсэхийг хүсэгчдэд зориулсан семинар

2011 оны 4-р сарын 6, 13-ны өдрүүдийн 15.00 цагаас МТҮП-ын 104 тоот өрөөнд болно.

Элсэлтийн материал хүлээн авах хугацаа

2011 оны 4-р сарын 14, 15, 18, 19-ны өдрүүдэд МТҮП-ын 103 тоот өрөөнд (9.30-18.00 цаг)

Сонгон шалгаруулалт

2011 оны 4-р сарын 22-ны 10.00 цагаас МТҮП-ын 104 тоот өрөөнд болно.

Инкубаторын үйл ажиллагааны журам болон сонгон шалгаруулалттай холбоотой бусад мэдээллийг www.itpark.mn-аас татаж авна уу.

Холбоо барих хаяг

Монгол Улс, Улаанбаатар- 210646
Сүхбаатар дүүрэг, Бага тойруу-49
Мэдээллийн технологийн үндэсний паркын 103 тоот өрөө

Утас: 318068/П.Наранцэцэг/
Факс: 327123

Электрон шуудан: narantsetseg@itpark.mn

МЭДЭЭЛЭЛ, ШУУДАН, ХАРИЛЦАА ХОЛБОО, ТЕХНОЛОГИЙН САЛБАРЫН БЭЛГЭДЭЛ /ЛОГО/-ИЙГ ЗОХИОХ БҮТЭЭЛИЙН УРАЛДААН ЗАРЛАЖ БАЙНА

2011-02-11T18:10:00.001+08:00

Бүтээлд тавигдах шаардлага: Мэдээлэл, Шуудан, Харилцаа Холбоо Технологийн салбарын онцлог, утга санааг бэлгэдэж, энгийн ойлгомжтой өгүүлэмжтэй 6-аас олонгүй элементийг агуулсан, 3-аас олонгүй өнгө хосолсон цогц утга агуулгатай бүтээл байна.

Уралдаанд ирүүлэх бүтээлд тавигдах шаардлага:
• Лого нь салбарын үйл ажиллагаа, онцлогийг товч, тодорхой тусгасан сэтгэлгээний өндөр түвшинд хийгдсэн байна;
• График дизайны мэргэжлийн програм дээр хийгдсэн байна;
• Лого нь өндөр нягтралтай (300 dpi-с дээш) байх шаардлагатай бөгөөд (жижгээс том руу хувиргахад харьцаа алдагдахгүй үндсэн элементүүд харагдаж байх) уралдаанд ирүүлэх бүтээлийг CD болон DVD дээр tiff, jpeg форматтай буулгаж ирүүлнэ;
• Логоны дизайн нь хар, цагаан болон өнгөт гадаргуу дээр хэвлэгдэхээр зохиогдоно. Лого нь видео, сонин сэтгүүл, ил захидал, сурталчилгааны материал, зурагт хуудас болон бусад материалууд дээр хэвлэгдэх боломжтой байна;
• Уран бүтээлчид зөвхөн өөрийн зохиосон дизайнаар оролцох бөгөөд бусад бүтээл /лого/-ноос хуулсан, санаа авсан, тэдгээрийн элементийг агуулсан бүтээлүүдийг хүлээн авахгүй;
• Уралдаанд нэг уран бүтээлч хэдэн ч загвараар оролцож болох бөгөөд бүтээл тус бүрийг тайлбарласан тайлбарыг заавал хавсаргана;
• Овог нэр, холбоо барих утасны дугаар, ажлын болон оршин суугаа хаягаа бүтээлийг битүүмжилж ирүүлсэн дугтуйн дээр тодорхой бичсэн байна.

Хүлээн авах хугацаа:
Бүтээлийг 2011 оны 02 дугаар сарын 10-ны өдрөөс 02 дугаар сарын 21-ний өдрийг хүртэл ажлын цагаар хүлээн авна.

Шалгаруулалт
Бүтээлийг хүлээн авснаас хойш ажлын 5 хоногт багтаан шалгаруулан www.ictpa.gov.mn вэбсайтаар нийтэд зарлана.

Шагнал:
Ирүүлсэн бүтээлүүдээс шилдэг нэг бүтээлийг 1.000.0000 төгрөгийн мөнгөн шагналаар шагнана.

Бүтээлийг хүлээн авах хаяг: Мэдээлэл, Шуудан, Харилцаа Холбоо, Технологийн Газар, 15160 Улаанбаатар хот. Чингэлтэй дүүрэг, Сүрбаатарын талбай 1, Төв шуудан ш/хайрцаг-785, Утас: 312835, 100 тоот, Цахим хуудас:

www.ictpa.gov.mn

Цахим шуудан: mandalbayar@ictpa.gov.mn

Цагаан сарын уламжлалт дэг жаяг

2011-02-02T09:27:00.002+08:00

Монгол vндэстний уламжлалт баяр Цагаан сарыг тэмдэглэн єнгєрvvлэхэд нарийн дэг жаяг, уламжлал бэлгэдлийг чандлан сахидаг. Тиймээс та бvхэндээ битvvлэх ёс, ууц хєндєх ёс, шинэлэх болон золгох ёсны талаар хvргэхээр бэлтгэлээ.

Уламжлал ёсыг чандлан сахихын хэрээр ирэх жилдээ ажил, амьдрал бvтэмжтэй ололт амжилтаар арвин байдаг гэдэг. Нєгєєтэйгvvр шинийн нэгний єглєє тухайн айлын идээ цагаа, бууз битvvлэг амт шимттэй єнгєлєг байхын хэрээр бvтэн жилийн єнгє тодорхойлогддог билээ.

БИТVVЛЭХ ЁСОН
Cap гарахгvй битvv харанхуй байдаг учир оны отгон шєнийг "битvvн" хэмээн нэрийддэг байна. Эл єдєр бvх зvйлс бvтэн, битvv байх учиртай. Энэ нь улирч буй ондоо тэгш дvvрэн байсан бєгєєд ирэх онд ч элбэг хангалуун байх болтугай хэмээсэн бэлгэдэл билээ. Євлийн адаг сарын сvvлийн єдєр буюу битvvний єдрєєс ємнє монголчууд хуучин оны єр шир, єглєг авлагаа дуусган, дутуу зvйлсээ гvйцээдэг уламжлалтай. Ингэснээр хийморь лундаа нь сэргэдэг хэмээн vздэг байна.

Битvvлэх ёслол нь нар шингэсэн хойно эхэлдэг. Идээ будаагаа засч, хаалганыхаа баруун тотгоны дээр цагаан чулуу, цэвэр тунгалаг цас мєс тавьж сайн зvгийн эзэд сахиус орохын vvдийг нээхийн хамт, зvvн тотгоны дээр єргєс харгана, шарилж тавих нь муу зvгийн ад чєтгєрийн хорлолыг хаадаг учиртай. Битvvний орой цэвэр цэмцгэр хувцаслаж, єтгєс бууралдаа єнгєтэй єєдтэй олбог дэвсгэрээ дэвсэн, ширээгээ засч дээр нь битvvлгээ тавьж, идээ ундааныхаа дээжийг зvvнээс баруун тийш єрж, галдаа єргєж, бурхандаа дээжилсний дараа гэрийн эзэггэй цайныхаа дээжийг гэрийн эзэндээ эхэлж барьдаг ёстой. Гурван марал одонд идээ єргєж битvvлгээ хєндєнє. Цагаан сарын идээг онцгой хvндэтгэлтэйд тооцдог. Битvvний зоогт эрvvг нь заагаагvй хонины битvv толгой юм уу, євчvv байдаг. Хонины бvтэн махыг гэрийн эзэн эхэлж есєн хєндлєнг (толгой, хошуу, хоёр эрvv, хоёр чих, ууцны хоёр тал) хєндєж эхлээд галдаа, дараа нь бурхандаа єргєєд, гэрт байгаа хvмvvст тараана. Тавиас дээш настанд архи хvртээдэг учиртай.

Битvvлгийн идээ будаанаас идэж, ёслол дууссаны дараа vлгэр, тууль ярихаас эхлээд шагайгаар алаг мэлхий єрєх, морь, тэмээ уралдуулах, дєрвєн бэрх орхих, буга нуух, хорол зэндмэн эвлvvлэх зэргээр тоглодог. Энэ vдэш мал хуйгаа хээр, эд зvйлсээ айлд хонуулахыг цээрлэнэ. Мєн хvн халуун бvлээсээ тасарч айлд хонох, хєлчvvрхэх, євчин хэлэх, vг сєрєх, хувцсаа гадаа хонуулах, хоосон сав байлгах, єлєн зэлмэн байхыг цээрлэнэ. Бvтэн байхын учир нь битvvний цээр хийгээд зан vйлд бий.

УУЦ ХЄНДЄХ ЁСОН
Ууц нь зургаан хавирга, ууц сvvлийн хамт vргэлжилж байгаа хэсгийг нэрлэх бєгєєд ууцан дээр сээр, эсвэл хvзvv, дал, дєрвєн єндєр, хавирга, хонготой шагайт чємєг дагуулан тавьдаг. Гийчний ємнє ууц тавихдаа баруун гарт нь дєрвєн єндєр хавиргыг тавих бєгєєд сээрний нарийн vзvvр, шаантыг борви, далны маяа, хавирганы бураа талыг ууцны харцага єєд харуулан тавина. Хэрэв сээрний оронд хvзvv тавих бол аман хvзvv талыг харцага тийш нь, харцагыг зочны зvг харуулан тавина. Ууцыг хєндєхєд зvvн гараараа харцаганаас тvшин барьж, баруун гар дахь хутгаар ууц, сvvл хоёрын уулзвар орчинд голд нь нэг, дараа нь олон яс уулзах орчмоос эхлэн єєрийн тийш харцаганы хоёр зураа дагуу цувуулан гурав гурав эсгэнэ. Тvvний дагуу сvvлний бєгтрєг орчмын хоёр толионоос дугариг хэлбэртэй хоёр хэсэг єєх хєрслєн халимлаж авна. Дараа нь харцага талын ирмэгний мах єєхний нийлэлт орчмын хоёр талаас хоёр хэсэг халимлан аваад толгой сvvлнээс авсан хоёр дээжтэй нийлvvлэн гал голомтын хувь гэж тусгай тавина. Ийнхvv хєндєж гvйцсэний дараа ууцаа таллана. Хоёр талаас таллаж авснаа гурав гурав хувааж нэгийг нь галын хувь дээр нэмнэ. Харин гурвыг нь дээж болгож тусгай тавина. Vлдсэн хоёрыг хувь болгон vлдээж амсана. Дараа нь ууцныхаа хоёр талаас нэжгээд таллан авч хишиг хэмээн тараадаг ёстой.

ШИНЭЛЭХ ЁСОН
Хаврын тэргvvн сарын шинийн нэгэнд цагаан сарын баярыг тэмдэглэхдээ ёслол хvндэтгэлийн идээ, ундаа бэлтгэн, золгож шинэлдэг. Цагаан сарын битvvлгийг шинийн нэгний урьд орой ёсолдог бєгєєд цагаалгын ёслолыг єглєє ургах нарнаар туулай цагт эхлэн vйлддэг. Шинийн нэгний идээний vндсэн хэсэг нь давхарлан єрсєн бяслаг, эсвэл хавсай, ул боов юм. Манай ихэнх нутагт vндсэн тавгийн идээний бяслаг буюу боов хавсайг сондгой тоогоор давхарлан єрдєг. Эцэг, ах нар нь буй айлын тавгийн идээ гурав буюу тав байж болдог. Эцгийнх нь долоон давхар идээ засна. Тєрийн шинж чанартай ёслолын тавгийн идээг голчлон есєн давхар засдаг уламжлалтай. Тавгаа єрєм, ааруул, шар, цагаан тос зэрэг цагаан идээгээр чимэх ёстой. Цагаалах vеэр эвтэй найртай явахын бэлгэдэл болгож хєєрєг зєрvvлж тамхилах бєгєєд харин хєєрєг харшуулж солилцохыг цээрлэхийн хамт толгойг нь дарж болдоггvй. Хєєргєє тєр тvших гурван хуруу буюу эрхий, долоовор, дунд хуруугаар тvшиж тамхилдаг. Энэ нь тухайн хvнийг тєрийн хэмжээнд хvндэлж байгаагийн тэмдэг юм.

ЗОЛГОХ ЁСОН
Єндєр настай, нутаг орондоо хvндтэй хvмvvстэй хадаг барьж золгодог ёс байдаг. Хадагны амыг золгох хvн тийш харуулж хоёр гардан барьсаар золгож байгаа хvний хоёр гар дээр хадгаа эрхий хуруунд нь тулгаж алганд нь багтааж тавьсны дараа золгоно. Авч байгаа хvн хадгийг хоёр гардан аваад толгойн талыг нь баруун гар дээрээ тавьж, баруун гар талыг зvvн гар дээр эвхэн нугалдаг нь хадагны хээ, vсгийн толгойг буруу харуулахгvйг хичээж байгаа ёс юм. Хадаг тавьж байхдаа мэнд мэдэж болохгvй. Харин хадгаа тавьчихаад золгохдоо мэндийг нь асууна. Цагаан сарын vеэр хэн боловч ёс горим зєрчих, ах захыг эс хvндэтгэх, агсам согтуу тавих, хэрvvл шуугиан гаргах, бие биедээ бардамнан баярхах, vрлэг зарлагыг хэтрvvлэх бvдvvлэг vг хэлэхийг хатуу цээрлэн, энх амгалан, эвтэй найртай ариун сайхан байхыг бэлгэдэн ухаан саруул, цэцэн цэлмэг, цовоо, мэндтэй хvндтэй байхыг ихэд эрхэмлэдэг сайхан ёс заншилтай.

Мартиросян - Криминальная Россия

2011-02-01T09:20:00.001+08:00

XVII жарны төмөр туулай жилийн мэнд дэвшүүлье.

2011-02-01T09:05:00.000+08:00

Та бүхэнд XVII жарны төмөр туулай жилийн мэнд дэвшүүлж, элгээрээ энх амгалан, төрлөөрөө түвшин амгалан байхын өлзийтэй ерөөлийг өргөн дэвшүүлье.

Таныг ямар сард төрсөнөөр чинь зан ааш тодорхойлно

2011-02-01T08:58:00.001+08:00

1-р сард тєрєгсєд
• Их хvсэл эрмэлзэлтэй юманд нухацтай
• Хvнд заах хvнээс заалгах дуртай
• Хvний алдаа,сул талыг олж харах дуртай
• Шvvмжлэх дуртай
• Шаргуу бvтээлч

• Ухаалаг, цэвэрч ба эмх цэгцтэй
• Мэдрэмжтэй ба юмыг гvнзгий боддог
• Бусдыг хэрхэн хєгжєєхєє мэддэг
• Ер нь дуу шуу цєєтэй гэхдээ сэтгэл хєдєлсєн юмуу сандарсан vед тийм биш
• Нилээд хашир
• Нийгмийн идэвхи єндєр
• Биеийн эсэргvvцэл сайн гэвч ханиад амархан хvрчихдэг
• Хайраа илэрхийлэхдээ нилээд хэцvv ч романтик талдаа
• Хvvхдэд хайртай
• Гэр амьтай
• Vнэнч
• Нийгмийн vйл ажиллагаанд vvрэг єндєр
• Жоохон юмнаас хардах нь амархан

2-р сард тєрєгсєд
• Чадварлаг хийсвэрлэн сэтгэгч
• Юмыг хийсвэрлэн єєр єнцгєєс харах дуртай
• Ухаалаг
• Олон ааштай
• Нилээд ичимхий дуугvй талдаа
• Єєрийгєє хvндэтгэх нь бага
• Шударга
• Зорилгоо аль хэдий тогтоочихсон байдаг
• Эрх чєлєєтэй байхыг эрмэлздэг
• Эрх чєлєєг нь хаах юм бол нилээд эсэргvvцэл vзvvлнэ
• Ер нь эрч хvчтэй байхад дуртай
• Хэтэрхий мэдрэмтгийгээсээ амархан дарамтанд ордог
• Уурласан байдлаа амархан илэрхийлдэг
• Дэмий зvйлд дургуйцэх нь элбэг
• Найзтай болох дуртай ч тийм амархан найзтай болдоггvй
• Зоригтой бас нилээд зєрvvд талдаа
• Эрмэлзлэлтэй
• Хvслээ мєрєєдлєє олж чаддаг
• Зугаа цэнгэлд дуртай
• Дотроо романтик ч тэрнийгээ огт гаргадаггvй

3-р сард тєрєгсєд
• Бусдыг татах чадвартай
• Бусдад нилээд нєлєє vзvvлж чаддаг
• Ичимхий , хашир
• Нууцлаг
• Байгалын заяасан vнэнч, сайхан сэтгэлтэй ба єрєвч
• Энх амгаланд дуртай ба та єєрєє ч тайван
• Бусад хvмvvс таныг ойлгоход амархан
• Бусдад туслах дуртай
• Уурлах нь ховор
• Найдвартай итгэж болох хvн
• Танд хvндэтгэл vзvvлвэл та буцаагаад маш сайхан ханддаг
• Бусдад vнэлгээ єгєгч
• Шартай
• Юмыг хэтэрхий сайхнаар тєсєєлдєг

Бусдын анхаарлын тєвд байх дуртай
• Аялалд дуртай
• Хєгжмийн талын авъяастай
• Онц гойд зvйлд дуртай
• Юманд сэтгэлийн єнгєєр ханддаг

4-сард тєрєгсєд
• Идэвхитэй
• Дорвитой шийдвэр гаргах нь хэцvv
• Бусдад нєлєєлж чаддаг
• Сэтгэл хямралд ороход гарах нь хэцvv
• Бусдын анхаарлын тєвд байх дуртай
• Боловсон
• Бусдын сэтгэл санааг єргєдєг
• Нєхєрсєг ба бусдын асуудлыг зохицуулж чаддаг
• Нилээд зvрхтэй ба юмнаас айх нь бага
• Адал явдалд дуртай
• Бусдыг хайрлаж бусдад анхаарлаа хандуулж чаддаг
• Эелдэг сайхан сэтгэлтэй
• Сэтгэл хєдлєл их
• Басгvй зєрvvд
• Эрч хvчтэй
• Яаруу
• Юмыг мартдаггvй
• Хєдєлгєєнтэй
• Бусдыг ятгаж чаддаг
• Толгой цээжний євчин ороомтгой
• Маш амархан их харддаг

5-р сард тєрєгсєд
• Зєрvvд ба чулуун зvрхтэнгvvд
• Сэтгэлийн тэнхээ их
• Ухаан хурц
• Бусдад нєлєєлж хайрыг татах увидастай
• Юмыг гvнзгий мэдэрдэг
• Бие галбир болоод ухаан тєгс
• Єєрийн байр сууринд бат зогсдог
• Таныг ятгахад vр дvн бага олдог
• Амархан тайвширдаг
• Дэс дараалалтай юмыг сэтгэдэг
• Мєрєєдєх дуртай
• Зєн совин ихтэй
• Євчлєл ихэвлэн чих хvзvvгээр авдаг
• Юмыг ургуулан бодохдоо сайн
• Маргалдах чадвар сайн
• Биеийн тамир сайн
• Сулхан амьсгаатай
• Уран зохиол уран зурагт дуртай
• Аялах дуртай
• Урам зориг єгєхєд эрчтэй байж чаддаг
• Vрэлгэн

6-р сард тєрєгсєд
• Алсыг харж чаддаг
• Сайхан сэтгэлээр хандахад та дуртай байдаг
• Сайхан сэтгэлтэй нам дуутай
• Мэдрэмтгий
• Гvйлгээ ухаантай
• Юманд тээнэгэлзvvр
•Ер нь юманд цаг хvлээлгэж байдаг ялангуяа болзоондоо
• Ямагт юмны хамгийн сайныг сонгодог
• Зан ааш тогтворгvй
• Наргианч
• Хошин зvйлд дуртай
• Яриасаг
• Маргахдаа сайн
• Мєрєєдємтгий
• Нєхєрсєг
• Хэн нэгэнтэй хэрхэн найзлахаа мэддэг
• Хайртай хvндээ хичнээн ч удаан vнэнч байдаг
• Сэтгэл нь эмзэглэх нь амархан
• Ханиад авах нь амархан
• Олон янзын хувцас ємсєх дуртай
• Сэтгэл эмзэглэсэн vед нилээд удаж байдаг зvгээр болдог
• Зєрvvд
• Танд хайртай хvмvvс танд дайсан
• Ажил хэрэгт бvтээлч

7-р сард тєрєгсєд
• Хамттай байхад уйдахааргvй
• Нууцлаг
• Таныг ойлгоход бэрх
• Хэн нэгний бахархал болдог
• Нэр хvнд нилээд єндєр
• Амархан тайвширдаг
• Vнэнч
• Хvмvvсийн мэдрэмжийг анхаардаг
• Ая эвтэй
• Нєхєрсєг
• Сэтгэлийн хєдлєл их
• Олон ааш гаргаж урьдчилан таахад бэрх
• Сэтгэл санааны байдал амархан мууддаг
• Цэцэн
• Уяан сэтгэлтэй
• Юманд эсэргvvцэх нь бага
• Бусдыг уучилдаг ч хэзээ ч мартдаггvй
• Бусдад биеийн болон сэтгэлийн vлгэр дууриал болдог
• Юман хашир ханддаг
• Хvнийг сайн судалсны эцэст шvvж чаддаг
• Юманд махруу
• Хэцvv зvйл танд тун ховор

8-р сард тєрєгсєд
• Наргианд дуртай
• Бусдыг татах увидастай
• Эелдэг ба бусдад санаа тавьдаг
• Зоригтой айх зvйл ховор
• Бусдыг удирдах чадвартай
• Бусдыг хэрхэн тайвшируулахаа мэддэг
• Хэтэрхий сайхан сэтгэлтэй
• Хvний хvндэтгэл хvртдэг
• Магтаалын vгэнд дуртай
• Онцгой сvлд хийморьтой
• Багахан юман амархан харддаг
• Гярхай ажигч
• Анхаарал болгоомжтой
• Маш хурдан сэтгэдэг
• Бусдыг хошуучлах дуртай ба хошуучилж ч чаддаг
• Бусдаас хамааралгvй сэтгэгч
• Мєрєєдєх дуртай
• Уран зураг, хєгжилд авяаслаг
• Мэдрэмтгий хэдий ч аар саар зvйлийг тоодоггvй
• Биеийн эсэргvvцэл сул
• Хvний хайрыг татам
• Хvнтэй найзлах дуртай

9-р сард тєрєгсєд
• Эелдэг ба буулт хийх нь амархан
• Болгоомжтой
• Хvний алдааг заах дуртай
• Шvvмжлэх дуртай
• Дуугай хэдий ч ам халвал сайн ярина
• Амгалан тайван
• Сайхан сэтгэлтэй энэрэнгvй
• Нарийн нухацтай
• Ямагт найдаж болно
• Сайн ажилладаг
• Мэдрэмтгий
• Ой санамж сайн
• Ухаалаг ба мэдлэг єндєр
• Мэдээлэл олон дуртай
• Хэн нэгэнд ятгуулахад амархан
• Ойлгоцтой
• Нууцлаг
• Спорт, Чєлєєт цаг аялалд дуртай
• Сэтгэл хєдлєл гаргах нь ховор
• Мэдрэмжээ ямагт нуухыг эрмэлздэг

10-р сард тєрєгсєд
• Яриасаг
• Єєрт нь хайртай хvнд илvv хайртай
• Юмны голыг барисан зvйлд дуртай
• Бусдыг татах чадвартай, эелдэг
• Дотоод сэтгэлийн болоод гадаад гоо vзэсгэлэнтэй
• Худал хэлж худлаа дvр эсгэдэггvй
• Энэрэнгvй
• Найз нєхєддєє маш их анхаарал тавьдаг
• Ямагт найз нєхєдтэй болдог
• Амархан гомддог ч амархан тэр нь гардаг
• Амиа хичээнгvй
• Асуухгvй л бол ховорхон тусалдаг
• Мєрєєдємтгий
• Олон талын санал гаргадаг
• Бусад хvмvvс юу бодож байгаад нээх анхаардаггvй
• Сэтгэлийн хєдлєл их
• Шийдэмгий
• Их зєн совинтой
• Аялал, уран зураг, уран зохиолд дуртай
• Намуухан яриатай хайр татам
• Амархан харддаг
• Дарамт стрессд амархан ордог
• Тухтай байдлаа амархан алддаг

11-р сард тєрєгсєд
• Маш олон шинэ санаа гаргадаг
• Ойлгоход бэрх
• Зєв сэтгэдэг хосгvй хvмvvс
• Хvчтэй зєнч
• Сайн эмч болдог
• Болгоомжтой няхуур
• Зан ааш сайн
• Нууц ихтэй
• Vгэнд дуртай
• Хvний нууцыг яаж илрvvлэхээ мэддэг
• Vргэлж толгойд нь ямар нэгэн зvйл эргэлдэж байдаг
• Бага ярьдаг ч нєхєрсєг
• Зvрхтэй
• Тэвчээртэй
• Зєрvvд амархан гомдоод байдаггvй
• Ямар нэгэн хэцvv нєхцлєєс гарах арга зам байнга эрэлхийлнэ
• Хэзээ ч бууж єгєхгvй
• Амархан уурлаад байдаггvй
• Магтаалын vгийг юмаг чинээ тоодоггvй
• Сvлд хийморьлог
• Маш гvнзгий хайрладаг
• Тємєр шиг хvмvvс

12-р сард тєрєгсєд
• Vнэнч сайхан сэтгэлтэй
• Эх оронч
• Тоглоом єєр бас бус харилцаанд идэвхитэй оролцогч
• Тэвчээргvй яаруу
• Эрмэлзлэлтэй
• Хамтдаа байхад уйдахааргvй
• Нийгэмсэг
• Магтаалд дуртай
• Бусдын анхаарлын дунд байх дуртай
• Хайрлан хvндлvvлэх бас дуртай
• Vнэнч шударга
• Ямар нэгэн хуурамч байдал гаргадаггvй
• Ааш нь амархан хувирна
• Хvний хvндэтгэлийг олдог
• Эрхийг хаагаад байгаа зvйлд vнэн голоосоо дургvй
• Наргианд дуртай
• Наргиаг сайн мэдэрдэг
• Логик сэтгэлгээ сайн

Далд чадварын зурхай

2011-02-01T08:56:00.000+08:00

ХОНЬ
Бүх ордуудаас илүү зөвхөн энэ ордныхонд тэрхүү нууцлаг ертөнцтэй холбогдох, мэдрэх чадвар байгалиас заяасан. Өөрсдөө энэ чадвараа нээн илрүүлж, мэддэггvй ч энгийн үедээ тааж, зөгнөж хэлсэн зvйл нь ихэвчлэн үнэн байдаг аж.
Гэрэл зураг болон эд зүйлээс тухайн хүний талаарх мэдээллийг авч чаддаг. Хонины ордныхон ус болон хувцасанд сайн, муу аль ч энергээ шингээж чаддаг. Муу санасан хүнийхээ эдлэж, хэрэглэж буй зүйлд нь өөрийн мэдэлгvй эсрэг энергээ шингээж чаддаг аж. Энэ ордныхон ямар ч хүний нүд рүү нь хараад л өөрөөс нь юу хүсч буйг мэдэж чадна.

- Өөрийн зорилгодоо хүрэхийн тулд лам, зурхайчид үзүүлж, мэргэлүүлж ид шидийн бүхий л домыг хэрэглэж байж санаа нь амардаг.

ҮХЭР
Материаллаг уламжлалыг баримтлагчид. Тэд элдэв ид шид, далдын чадвараа хөгжүүлэхээс илүү өөрийн хийж чадах бодит зүйлдээ л итгэдэг байна. Албан тушаал ахих, амжилтанд хүрэх, наймаа болон худалдаанаас ашиг олоходоо сайн. Зарим улс оронд алтан тугалыг эд, баялгийн бэлгэ тэмдэгт тооцдог нь үүнтэй ч холбоотой байж болох аж. Энэ ордны ихэнх хүмүүс зөнч, зурхайчдад итгэдэггүй. Тэр байтугай ердийн өдөр тутмын зурхай унших нь хүртэл ховор.

-Ямар нэгэн дом, шившлэг хийхгvй юмаа гэхэд хэн нэгэнд ер өөл дэвшүүлсэн бол олон дахин давтахыг зөвлөж байна.

ИХЭР
Энэ ордныхны энерги ихэнхдээ салхины хүчинд үйлчилдэг байна. Эзгvй хээр талд, ой модонд болон уулын оройд гарч өөрийн хүслийг шивнэх юм бол биелэх нь хурдан. Мөн ийм газруудад очсоноор эерэг энергээр цэнэглэгддэг. Харин тэрхүү энерги нь зөн билгийн чадварыг нь идэвхжүүлдэг байна. Ингэснээр хамгийн энгийнээр өөрийгөө шалгахдаа хол байгаа дотны хүнээ хэрхэн, юу хийснийг нь нэг бүрчлэн таамаглахыг оролддог. Ер нь далдыг мэдрэхэд нэн түрүүнд өөртөө итгэж, сэтгэл зүйгээ төвлөрүүлэх нэн чухал гэдгийг бүү мартаарай.

-Ихрийн ордныхон уран ярих гайхамшигтай чадварыг эзэмшсэн х үмүүс. Тиймээс хэн нэгэнтэй утсаар ярихдаа хялбархан итгүүлж, ятгаж чадна. Мөн хов живд хамгийн ихээр дурлагсад.

МЭЛХИЙ
Ид шид, зурхайд бус зөвхөн мэргэнд итгэдэг. Тэд ирээдүй, өнгөрсөн vеэ өөрчлөхийг хүсдэггvй, харин тэр талаар мэдэх нь тэдний сонирхлыг ихэд татдаг байна. Тэд өөрийн далд мэдрэмжийг тайлж, мэдэж чаддаг. Өөртэйгээ холбоотой зарим нэг зvйлийг зөгнөж, мэдрэх чадвар нь 80 хувьтай биелдэг. Үүнийгээ мэддэг ч бодит амьдралд нийцэх зүйл биш хэмээн үздэг аж. Онц чухал үед л өөрийн дотоод мэдрэмжээ чагнадаг.

-Мэлхийн ордынхныг "сэтгэл з үйн тоглогчид" гэж нэрлэж болно. Хүмүүсийн сул болон хүчтэй талуудыг нь чимээгvй ажиглан өөрийн гол зорилгодоо ашигладаг.

АРСЛАН
Энэ ордныхон бэлгэ тэмдэгтэйгээ адил байгалиас заяасан хүчтэй энергитэй. Өөрийн хүч, зоригтоо итгэдэг тул зөн билэгт төдийлөн итгэдэггvй байна. Харин зүгээр сонирхон уншиж, сонсож өөртэйгээ холбоотой зүйлүүдийг харьцуулдаг. Гэхдээ энэ ордныхны хүчтэй энерги нь далдыг мэдрэх чадварыг нь бүрдүүлсэн байдаг байна. Харин үүнийгээ мэддэг ч ашигладаггvй.

-Ийм халуун зvрхтэй х үмүүс өөрийн чадварыг зөвхөн хайр сэтгэлдээ л гаргаж чадна. Тиймээс тэд энэ талбарт хамгийн шилдэг тоглогчид, ялагчид байдаг.

ОХИН
Өөрийн мэдрэмж, чадварыг хөгжүүлэх юм бол маш сайн мэргэ, төлөгчид болно. Энэ ордныхон хөзөр болон гарын алганы хээний мэргэд суралцах авьяастай. Учир нь тэд логик сэтгэлгээ, тоо, жижиг зүйлүүдийг ажиглаж цээжлэхдээ гарамгай. Хэн нэгэн аз турших шаардлага гарвал энэ ордныхоңд бүрэн итгэж болно. Зөн билгийн чадвар нь тэднийг хэзээ ч алдахад хүргэхгvй. Өөрийн энэ чадвартаа ч итгэл төгс байдаг хүмүүс.

-Хэрэв таны хамтрагч энэ ордонд төрсөн бол нэг удаа мэргэлvvлээд үзээрэй. Түүний хэлсэн зүйл үнэн болохыг та мэднэ.

ЖИНЛҮҮР
Хэрэв та энэ ордны хүмүүсээс ямар нэгэн бэлэг, дурсгалын зүйл авч, магтаалын үг сонсвоос ойрын хугацаанд танд аз жаргал ирнэ гэдэгт итгээрэй. Нар мандах, жаргах гээд байгалийн аливаа үзэгдлээс өөрийн далд чадварыг цэнэглэдэг. Энэ ордныхон ямар нэгэн сахиустай ба тэрхүү сахиусанд нь далд чадварынх нь энерги болон аз хуримтлагдаж, хадгалагддаг байдаг. Хэрэв байдаггүй бол өөртөө ээлтэй үнэт чулуугаа сахиус болгохыг зөвлөж байна.

- Өөрийн энэ далдыг мэдрэх чадвараа нээж мэдээгvй энэ ордын хүмүүс өөрсдийгөө маш азтайд тооцдог.

ХИЛЭНЦ
Тэдний энерги байгалиасаа ширүүн, хурц , өвөрмөц гэж хэлэхэд болно. Тиймээс од, гаригсын тусламжтайгаар өөрийн болон дотны хүмүүсийнхээ амьдралын ирээдүйг зөгнөж чаддаг. Эңэхүү чадвараа аль болох бусдаас нуухыг хичээдэг. Учир нь амьдралын гол зэвсгээ гэж үнэлдэг. Гэхдээ энэ ордныхон гэрийн домд илүү чадварлагаараа бусад ордноос ялгарна. Хэрэв таны гэрт ямар нэгэн муу энерги байгааг мэдрэх юм бол хилэнцийн ордныхон тэр дор нь зайлуулж чадна. Тэд тоос арчих юм уу аяга угаах мэтээр л таны гэрийн муу энергийг цэвэрлэх болно.

-Энэ ордныхон өшөө авагчид байдаг ч өөрийнхөө хүндлэж, хайрладаг хүмүүсийг энергээрээ хол зайнаас ч хамгаалж чаддаг.

НУМ
Хэрэв энэ ордныхон далдыг мэдрэх, мэргэ, төлөг буулгахыг оролдох гэж байгаа бол нэн түрүүнд сэтгэл зvй, анхаарлаа төвлөрүүлэх хэрэгтэй. Учир нь тэд далд мэдрэмжид итгэдэг ч илүүтэйгээр сонирхол нь дийлж ямар байх бол гэсэн бодол нь давамгайлснаас өөрийн чадварыг мэдэрдэггүй. Энэ ордныхны сул тал нь аливаа зүйлд анхааралгүй ханддаг зан юм. Харин далдыг харах чадвараас илүү бусдыг эмчлэх байгалиас заяасан чадвар нь илvv. Гараараа толгой болон шүдний өвчнийг дор нь арилгаж чадна.

-Ихэнх х үмүүс нь өөрийн эмчлэх чадварыг мэдэлгүйгээр анагаахын мэргэжил эзэмшдэг байна.

МАТАР
Тэд од гариг, эрхэс болон хөзөр гэх мэт зүйлүүдээс илүү байгалиар далдыг мэдэрч чадна. Өөрөөр хэлбэл эзгvй хээр байгальд гараад зогсохдоо өөрийн дотоод дуу хоолойг сонсож чадсанаар ирээдүйг хэлж чадна. Гэхдээ энэ ордныхон далдыг харах чадвартай онцгой хүмүүс бусдыг өөр төрдөг гэж ихэнхдээ боддог тул өөрийн тэрхүү зургаа дахь мэдрэхүйг илрүүлэн нээх нь ховор.

- Өөрийн дотоод мэдрэмҗдээ итгэдэггүй ч тэр нь үргэлж зөв байдгийг мэддэг.

ХУМХ
Мэргэ нь театрын сайн найруулсан жүжигтэй илүү адилхан болов уу. Учир нь мэргэлүүлж байгаа хүн хэр итгэхээс л түүний мэргэ шалтгаална. Тэд маш гярхай тул хамгийн энгийнээр бодоход мэргэлүүлж буй хүний байдлыг ажиглаад л тохируулан хэлж өгөх болно. Эцэст нь хэлэхэд энэ ордныхонд далдыг харах, зөгнөх мэдрэмж тун бага.

-Хумхын ордныхон хэт сэргэлэн тул заримдаа өөрсдөө тэрхүү мэргэндээ гүн автаж, өөр шинэ мэргэ, төлгийг зохиож мэднэ.

ЗАГАС
Энэ ордныхон амьдралаас үүдэлтэй ямар нэгэн зөгнөж хэлсэн хэл аманд итгэмтгий. Учир нь тэдний амьдралд тийм зvйл тохиолдох нь элбэг аж. Тэд сайн энергийг гэрээсээ авдаг. Элдэв дом, мэргэ болон далдыг харах, зөгнөх зүйлд хүч, энергээ барахыг хүсдэггүй. Харин бусдаар дуртайяа мэргэлүүлнэ.