Гадаад худалдааны нийт эргэлт, 2009 оны 4-р сарын 15-ны байдлаар

Манай улсын гадаад худалдааны нийт бараа эргэлт 2009 оны 4 дүгээр сарын 15-ны байдлаар 805.1 сая ам.доллар, үүнээс экспорт 365.0 сая ам.доллар, импорт 440.1 сая ам.доллар боллоо.
Гадаад худалдааны тэнцэл 2009 оны 4 дүгээр сарын 15-ны байдлаар 75.1 сая ам.долларын алдагдалтай гарсан байна...

Нийт экспортод боловсруулаагүй буюу хагас боловсруулсан алт 36.3 хувийг, зэсийн баяжмал 26.5 хувийг, төмрийн хүдэр 3.7 хувийг, самнасан ноолуур 2.6 хувийг, цайрын хүдэр, баяжмал 2.5 хувийг, боловсруулаагүй нефть 2.4 хувийг, хайлуур жоншны хүдэр, баяжмал 1.9 хувийг, үлдсэн 24.1 хувийг экспортын бусад бүтээгдэхүүн эзэлж байна.
Манай улсын экспортын 1 кг алтны дундаж үнэ 2009 оны эхний улиралд 27290.0 ам.доллар байсан бол 2009 оны 4 дүгээр сарын 15-ны байдлаар 27226.7 ам.доллар болж, 63.3 ам.доллар буюу 0.2 хувиар буурчээ.
1 тн зэсийн баяжмалын дундаж үнэ 2009 оны эхний улиралд 592.8 ам.доллар байсан бол 2009 оны 4 дүгээр сарын 15-ны байдлаар 597.8 ам.доллар болж 5.1 ам.доллар буюу 0.9 хувиар, 1 тн цайрын баяжмалын дундаж үнэ 2009 оны эхний улиралд 564.3 ам.доллар байсан бол 2009 оны 4 дүгээр сарын 15-ны байдлаар 566.9 ам.доллар болж 2.6 ам.доллар буюу 0.5 хувиар тус тус өслөө.

Автобензиний импорт 2009 оны эхний улирлаас биет хэмжээ 4.0 мянган тонн, үнийн дүн нь 2.1 сая ам.доллараар; гурилын импортын биет хэмжээ 7.6 мянган тонн, үнийн дүн 2.3 сая ам.доллараар; суудлын автомашины импортын биет хэмжээ 196 ширхэг, үнийн дүн 1.9 сая ам.доллараар; цахилгаан эрчим хүчний импортын биет хэмжээ 12.4 сая квт.цаг, үнийн дүн 519.0 мянган ам.доллараар тус тус өссөн байна.

Read More......