XaPXyH

Энэ оны Нобелийн утга зохиолын шагналтныг 10-р сарын 11-нд зарлана гэж Нобелийн утга зохиолын шагналыг гардуулдаг Шведийн Академиас мэдээллээ.

Тус академи 1786 онд швед хэл, утга зохиолыг дэмжихээр байгуулагджээ. Тус байгууллагын гишүүдийн дотор насаар нь академийн байнгын гишүүн болгосон тус улсын алдар цуутай 18 зохиолч, эрдэмтэд байдаг аж. 1901 оноос Шведийн академи утга зохиолын салбарт Нобелийн шагнал гардуулж байна.

Бусад салбарын 2007 оны Нобелийн шагналтнуудын нэрсийг Шведийн вангийн шинжлэх ухааны академиас зарладаг юм.

2007 оны Нобелийн уламжлалт долоо хоног өнөөдрөөс эхэлж байна. Өнөөдөр физиологи эсвэл анагаах ухааны салбарт нэр дэвшигчдийг танилцуулна.

Физикийн салбарын шагналтныг 10-р сарын 9-нд, химийн салбарын шагналтныг 10-р сарын 10-нд зарлана. Харин 10-р сарын 12-нд Нобелийн энхтайвны шагналтныг Норвегийн Нобелийн хороо зарлана.

Энэ долоо хоног Шведийн улсын банкнаас Арьфред Нобелийн дурсгалыг хүндэтгэн олгох болсон эдийн засгийн салбарын шагналтныг зарласнаар дуусна.

Энэ оны Нобелийн шагналын хэмжээ салбар тус бүрт 10 сая швед крон /нэг сая орчим доллар/ байна.
Шагнал гардуулах ёслолын ажиллагаа уламжлал ёсоор Стокгольм болон Ослод 12-р сарын 10-нд болно.

Арьфред Нобель /1833-1896 он/ нь Шведийн зохион бүтээгч, дэлхийн хэмжээний аж үйлдвэрийн магнат, хэл шинжээч, гүн ухаан судлаач, хүмүүнлэгийн ухаантан юм. Тэрээр түүхэнд 1867 онд патентыг нь авсан динамит /тэсрэх төхөөрөг/ зохион бүтээгчийн хувиар оржээ. Нобель таван шагнал гардуулж байхаар гэрээслэжээ. Зургаа дахь буюу Эдийн засгийн салбарын шагналыг 1968 онд Шведийн улсын банк түүний дурсгалд зориулан буй болгосон байна.

Read More......

ЕврАзийн эдийн засгийн хамтын ажиллагааны байгууллагын (ЕврАзЭС) дээд хэмжээний уулзалт Тажикстаны нийслэл Душанбе хотноо өнгөрсөн бямба гаригт эхэллээ. “Интерфакс” агентлагийн мэдээлснээр “ЕврАзЭС”-ийн тэргүүнүүд энэ удаад Гаалийн холбоо байгуулах асуудалд голчлон анхаарч байна.

Дээд хэмжээний уулзалтын эхний өдөр ОХУ, Беларусь, Казахстаны Ерөнхийлөгчид гаалийн нэгдсэн бүс нутаг бий болгох тал дээр тохиролцоонд хүрч Гаалийн холбооны ирээдүйн үйл ажиллагааны хууль, эрх зүйн суурь баримт бичигт гарын үсэг зурлаа. Мөн “ЕврАзЭС”-ийн дүрэмд зарим нэмэлт, өөрчлөлт оруулсан байна.

ОХУ болон хуучин ЗХУ-ын бүрэлдхүүнд байсан улсууд багтдаг эдийн засгийн хамтын ажиллагааны тус байгууллагын дэргэд дээрх Гаалын холбоог бий болгосноор улс хоорондын чөлөөт худалдааг өргөтгөх зам нээгдэх юм.

Төрийн тэргүүнүүд энэ удаагийн уулзалтаар “ЕврАзЭС”-ийн Ерөнхий нарийн бичгийн даргыг солилоо. 2001 оноос тус байгууллагыг тэргүүлж асан Г.Рапотугийн албан тушаалд ОХУ дахь Казакстаны элчин сайдаар ажиллаж байсан Таир Мансуровыг томилжээ. Read More......