XaPXyH

МЭДЭЭЛЭЛ, ШУУДАН, ХАРИЛЦАА ХОЛБООНЫ САЛБАРЫН

ААН, ТӨРИЙН БОЛОН ТӨРИЙН

БУС БАЙГУУЛЛАГУУДАД

Үзэсгэлэн худалдаанд урих тухай

“Цахилгаан холбоо, мэдээлэлжсэн нийгмийн дэлхийн өдөр”-ийг /5 дугаар сарын 17/ тэмдэглэн өнгөрүүлэх ажлын хүрээнд Мэдээлэл, шуудан, харилцаа холбоо, технологийн газар, Харилцаа холбооны зохицуулах хороо, Мишээл ЭКСПО төв хамтран 2009 оны 5 дугаар сарын 15-19-ны өдрүүдэд Мишээл ЭКСПО төвийн үзэсгэлэнгийн танхимд ICT EXPO-2009 үзэсгэлэн худалдааг зохион байгуулах гэж байна.

4 дэхь жилдээ уламжлал болон зохион байгуулагдаж буй дээрх үзэсгэлэн худалдаа улам бүр өргөжин тэлж энэ жил мэдээлэл, шуудан, харилцаа холбоо, технололгийн салбар үүсч хөгжсөний 88 жилийн ойн жилд зохион байгуулах гэж буйгаараа онцлог болж байна. Энэ жил үзэсгэлэн тус салбарын 100 гаруй байгууллага аж ахуйн нэгжүүдийг хамран зохион байгуулана гэж найдаж байна. Энэ жилийн "ICT EXPO-2009" үзэсгэлэн худалдааны ерөнхий ивээн тэтгэгч байгууллагаар үүрэн холбооны “Юнител” ХХК оролцож байна.

Мэдээлэл, шуудан, харилцаа холбоо, технологийн салбарын хөгжил дэвшил болон тус салбарт үйл ажиллагаагаа явуулж буй төрийн болон хувийн хэвшлийн байгууллагуудын шинэлэг үйлчилгээ, энэ чиглэлийн гадаад дотоодын компаниудын хамгийн сүүлийн үеийн дэвшилтэт техник технологийг олон нийтэд таниулан сурталчлах төдийгүй тэдний ажил хэргийн харилцаа холбоог сайжруулахад үзэсгэлэн яармагийн гол зорилго оршиж байгаа юм.

Үзэсгэлэнгийн үеэр тухайн жилийн хамгийн шилдэг компани, үйлчилгээ үзүүлэгчдийг тодруулах, байгууллагуудын сонирхолтой танилцуулга, азтай хэрэглэгчдийг тодруулах зэрэг олон арга хэмжээ шинээр зохион байгуулагдах болно.

Иймд танай байгууллагыг уг үзэсгэлэнд оролцож өөрийн бизнесээ өргөжүүлэн, сурталчлахыг бид урьж байна.

Хүндэтгэсэн,

МЭДЭЭЛЭЛ, ШУУДАН, ХАРИЛЦАА ХОЛБООНЫ МИШЭЭЛ ЭКСПО

ХАРИЛЦАА ХОЛБОО, ЗОХИЦУУЛАХ ХОРООНЫ ТӨВИЙН ЕРӨНХИЙ

ТЕХНОЛОГИЙН ДАРГА ЗАХИРАЛ

ГАЗРЫН ДАРГА

Ж.САНСАР Б.БОЛДБААТАР Б.ЭНХ-АМГАЛАН